Uyghurlarning ana til yeslisi qurush iltimasi xitay tilida yézilmighanliqi üchün ret qilin'ghan

Muxbirimiz erkin
2013-05-03
Share

Ürümchi shehri tengritagh rayonluq ma'arip idarisi yéqinda ana til xelq'ara shirkitining ana til yeslisi qurush iltimasini ret qilip, Uyghur tor betliride küchlük ghulghula qozghighan.

Tengritagh rayonluq ma'arip idarisining wang, chang, jang chün qatarliq xitay mes'ulliri we rustem isimlik Uyghur mes'uli 27 - aprél ana til xelq'ara shirkitining ma'arip ishlirigha mes'ul xadimi dilyar obulni chaqirtip, mezkur shirketning ana til yeslisi qurush iltimasi heqqide mexsus yighin achqan.

Yighinda iltimas xitayche yézilmighanliqi seweblik ret qilin'ghan.

Uyghur tor betliridiki bes munazirilerde, Uyghur aptonom rayonluq til - yéziq komitétining bu ishni jiddiy tekshürüp, asasi qanun we milliy térritoriyilik aptonomiye qanuni qatarliqni közge ilmighan yuqiriqi emeldarlargha chare körüsh telep qilin'ghan.

Xitayning aptonomiye qanunigha asaslan'ghanda Uyghur tili mezkur rayonning hökümet tili. Biraq kishilik hoquq teshkilatlirining qeyt qilishiche, xitay hökümiti rayonda qosh tilliq ma'aripni yolgha qoyghandin buyan, Uyghur tilining orni jiddiy riqabetke duch kelgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet