Әнглийә парламентидики консерватиплар баш министир намзатиниң уйғур ирқий қирғинчилиқини етирап қилишидин үмидвар икән

Мухбиримиз әркин
2022.07.15
Share on WhatsApp
Share on WhatsApp

Әнглийә парламентидики консерватиплар әнглийә баш министир намзатлрииниң хитайға қарита қаттиқ қол болушидин, болупму уйғур ирқий қирғинчилиқини етирап қилишидин үмидвар икәнликини ейтқан. Әнглийә “қуяш” гезитиниң хәвәр қилишичә, парламенттики консерватиплар әнглийәниң хитайға йеқин турушидин, болупму иқтисадта униңға тайинип қелишидин вә униң бихәтәрлик тәһдитидин интайин биарам болуватқан болуп, консерватиплардин болған баш министир намзатлириниң хитайға қарита қаттиқ қол икәнликини испатлишини тәләп қилмақтикән.

“қуяш” гезитиниң 12-июл бәргән хәвиридә, консерватипларниң сабиқ гуруппа рәһбәрлиридин сир иян дункан симисни өз ичигә алған нопузлуқ парламент әзалириниң баш министир намзатлиридин уйғурларға қарши ирқий қирғинчилиқ елип бериливатқанлиқини етирап қилишни тәләп қилғанлиқи билдүрүлгән. Йеқинда, сабиқ әнглийә баш министири борис җонсон вәзиписидин истепа бәргәндин кейин, парламенттики көп санлиқ консерватиплар партийәсидә баш министир намзатлириниң риқабити башланған. Мәлум болушичә, сабиқ борис җонсон һөкүмитидики хитайға қарита қаттиқ қол позитсийәси билән тонулған ташқи ишлар министири лиз трус баш министирлиққа сайлиниш еһтималлиқи күчлүк намзатларниң бири, дәп қаралмақтикән.

“қуяш” гезитиниң хәвиридә ейтилишичә, лиз трус өткән сәйшәнбә күни өткүзүлгән консерватип рәһбәрлириниң бир қетимлиқ йиғинида, әгәр баш министирлиққа сайлинип қалса, уйғур ирқий қирғинчилиқини ашкара етирап қилидиғанлиқини ейтқан. Баш министир намзатлиридин там тогенһатму хитайни ирқий қирғинчилиқ садир қилди, дәп қарайдиғанлиқини тәкитлигән. “қуяш” гезитиниң ейтишичә, тугетһат йәнә “шинҗаң пахтиси” вә хитайниң назарәт камералирини ишлитишниму чәкләйдиғанлиқини ейтқан.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.