Nobél tinchliq mukapati sahibi angsang suki xanimning xitay ziyariti diqqet qozghidi

Muxbirimiz irade
2015-06-11
Share


Bérmiliq tonulghan kishilik hoquq qoghdighuchisi, nobél tinchliq mukapati sahibi angsang suki xanim xitay hökümitining teklipige bina'en béyjingda resmiy ziyarette bolmaqta. Uning bu ziyariti yekshenbe künigiche dawam qilidiken. Angsang suki xanim 2012 - yili hepistin qoyup bérilgendin kéyin saylam arqiliq parlaménttin orun alghan. U shundaqla bir öktichi partiyining lidiri.

Xelq'ara kishilik hoqoq organliri bolsa, angsang suki xanimni ziyaret jeryanida xitaydiki türmige qamalghan nobél tinchliq mukapati sahibi lyu shawbo mesilisini otturigha qoyushqa chaqirdi. Lékin bezi közetküchiler buningdin ümidsiz. Ular, öz dölitide qirghinchiliqqa uchrawatqan rohin'ga musulmanliri üchün gep qilip qoymighan angsang suki xanimning lyu shawbo üchün sözlimeydighanliqini bildürmekte.

Xitay tashqi ishlar ministirliqining muxbirlarni kütüwélish yighinida muxbirlar bayanatchidin, eger angsang suki xanim lyu shawboni qoyuwétishni telep qilsa, uning telipige qulaq salidighan - salmaydighanliqini sorighan. Bayanatchi xung léy buninggha jawab bérip "Qanun'gha asasen bérilgen jazani özgertish bihajet" dégen. U, angsang suki xanimni teklip qilishtiki meqset ikki partiye arisida ishench we chüshenche turghuzush, dep körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet