Aq saray: obamaning dalay lamagha bolghan hörmitide héchqandaq özgirish bolmidi

Muxbirimiz erkin
2015-02-06
Share

Xitay hökümiti bayanat élan qilip, dalay lamaning washin'gtonda prézidént obama bilen tilawet nashtiliqida jem bolghanliqigha yene naraziliq bildürdi.

Xitay tashqi ishlar ministirliqi bayanatchisi xong léy jüme küni yene agahlandurup, "Biz chet'el hökümetlirining tibetke alaqidar mesililerni bahane qilip, junggoning ichki ishlirigha arilishishigha qarshi turimiz. Dalay lamaning chet'el rehberlirining qollishigha tayinip, siyasiy ömrini uzartish tirishchanliqi emelge ashmaydu" dégen.

Prézidént obama peyshenbe küni tilawet nashtiliqida dalay lama bilen yüz turane uchrashmighan bolsimu, biraq u sözide dalay lamani maxtap, "U bizning insan qedr-qimmiti we erkinlikini qoghdishimizgha ilham bériwatidu" dégen idi.

Xong léy jüme künki axbarat yighinida dalay lamani "Uzun yillardin buyan diniy niqab astida junggo qarshi bölgünchilik pa'aliyiti élip bériwatqan siyasiy sergerdan" dep tenqid qilghan.

Buningdin bir kün awwal aq saray bayanat élan qilip xitay qarshi turghanliqi üchün prézidént obamaning dalay lamagha bolghan hörmiti özgirip qalmaydighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet