Aqsaray: “Biz xitay bilen iqtisad urushi qiliwatimiz!”

Muxbirimiz eziz
2022.02.22

Uzundin buyan chet'ellerdiki soda we tijaret pa'aliyetliride chong bir cheklimige uchrap baqmighan amérika sodigerliri xitay bilen bolidighan soda mu'amiliside zor özgirishke duch kélish aldida turmaqtiken. “Siyaset” gézitining 20-féwraldiki obzor maqalisida körsitili'ishiche, aqsaray nöwette “Amérika bilen xitay iqtisad urushi basquchigha kirdi” dep qarimaqta.

Obzorda éytilishiche, amérika dölet mejlisi amérika soda sahesining xitay tewesidiki meblegh sélish pa'aliyetlirini nazaret qilish, amérika dölet bixeterlikige ziyan sélish éhtimali bolghan türlerni men'i qilish mesilisini jiddiy oylashmaqtiken. Aqsaray bolsa amérika tewelikidiki meblegh arqiliq xitayda ish bashlimaqchi boluwatqan téxika shirketlirini tekshürüsh, nöwettiki “Qara tizimlik” ni xitay herbiy sistémisi bilen alaqisi bolghan barliq shirketlerge kéngeytish toghrisida bir ijra'iyet buyruqi chiqirish aldida iken.

Obzorda éytilishiche, bu ikki tür resmiy ijra qilishqa ötkende amérika bilen xitay otturisidiki jiddiylik iqtisad saheside eng yuqiri pellige yétidiken. Amérika kéngesh palatasining ezasi bob kéysiy (Bob Casey) bu heqte söz qilip “Biz hazir iqtisad urushi basquchigha öttuq. Méningche biz emdi buningdin 15-20 yil ilgiri héchqandaq wayim yémigen ishlarni qaytidin közdin kechürüp chiqishimiz lazim” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.