Ақсарай: "уйғур ирқий қирғинчилиқи хитай билән келәр һәптә өткүзүлидиған сөһбәт темилириниң бири"

Мухбиримиз әркин
2021-03-12
Share

Ақсарайниң баянатчиси җин саки "уйғур ирқий қирғинчилиқи" мәсилисиниң келәр һәптә американиң аляска штатида хитай билән өткүзүлидиған сөһбәттики музакирә темилириниң бири икәнликини билдүргән. Җин саки ақсарайниң11-март күнидики қәрәллик ахбарат йиғинида: "мән уйғур мусулманлириға қаритилған ирқий қирғинчилиқни һәл қилишниң келәр һәптә хитай билән өткүзүлидиған биваситә сөһбәттики музакирә темилириниң бири икәнликини билимән" дегән.

Америка ташқи ишлар министири антони блинкен билән җәк сулливан хитай компартийәси мәркизий комитети сиясий бюросиниң ташқи ишларға мәсул әзаси яң җйечи вә ташқи ишлар министири ваң йи билән 18-март аляска штатида сөһбәт өткүзиду. Бу икки тәрәп юқири дәриҗилик әмәлдарлириниң 2020-йили 7-айдин бери тунҗи қетим учришишидур.

Җин саки йәнә мундақ дегән: "әлвәттә биз американиң башқа шериклири билән һәмкарлишип, хитайға техиму бесим ишлитиш йолини издәймиз. Биз шундақла йәнә бу мәсилини биваситә оттуриға қойимиз, бу келәр һәптидики сөһбәтниң бир темиси болиду".

Америка ташқи ишлар министирлиқи баянатчиси прайсниң билдүрүшичә, сөһбәттә йәнә хоңкоң, тәйвән, җәнубий деңиз мәсилилириму музакирә қилинидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт