Aqsaray: "Uyghur irqiy qirghinchiliqi xitay bilen kéler hepte ötküzülidighan söhbet témilirining biri"

Muxbirimiz erkin
2021-03-12
Share

Aqsarayning bayanatchisi jin saki "Uyghur irqiy qirghinchiliqi" mesilisining kéler hepte amérikaning alyaska shtatida xitay bilen ötküzülidighan söhbettiki muzakire témilirining biri ikenlikini bildürgen. Jin saki aqsarayning11-mart künidiki qerellik axbarat yighinida: "Men Uyghur musulmanlirigha qaritilghan irqiy qirghinchiliqni hel qilishning kéler hepte xitay bilen ötküzülidighan biwasite söhbettiki muzakire témilirining biri ikenlikini bilimen" dégen.

Amérika tashqi ishlar ministiri antoni blinkén bilen jek sulliwan xitay kompartiyesi merkiziy komitéti siyasiy byurosining tashqi ishlargha mes'ul ezasi yang jyéchi we tashqi ishlar ministiri wang yi bilen 18-mart alyaska shtatida söhbet ötküzidu. Bu ikki terep yuqiri derijilik emeldarlirining 2020-yili 7-aydin béri tunji qétim uchrishishidur.

Jin saki yene mundaq dégen: "Elwette biz amérikaning bashqa shérikliri bilen hemkarliship, xitaygha téximu bésim ishlitish yolini izdeymiz. Biz shundaqla yene bu mesilini biwasite otturigha qoyimiz, bu kéler heptidiki söhbetning bir témisi bolidu".

Amérika tashqi ishlar ministirliqi bayanatchisi praysning bildürüshiche, söhbette yene xongkong, teywen, jenubiy déngiz mesililirimu muzakire qilinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet