Ақсарайниң юқири дәриҗилик әмәлдари: "америка хитай билән кәскин риқабәт дәвригә қәдәм қойди"

Мухбиримиз ирадә
2021-05-27
Share

Америка ақсарайниң юқири дәриҗилик әмәлдари курт кампел "америка хитай билән кәскин риқабәт дәвиригә қәдәм қойди" дегән.

"блумберг" хәвәрлириниң билдүрүшичә, америка дөләт бихәтәрлик кеңишиниң һинди-тенч окян ишлирини маслаштурғучиси курт кампбел 26-май күни станфорд университети саһибханлиқ қилған бир паалийәттә сөз қилғанда: "хитай билән кәң көләмдә арилишиш дәп тәсвирлиниватқан дәвр әмди ахирлашти, американиң хитайға қаритидиған сиясити ‹йеңи бир йүрүш истратегийәлик параметирлар астида болиду вә униңдики һөкүмран әндизә риқабәт болиду," дегән.

Кампбел сөзидә хитайниң һиндистан билән болған чеграсида йүз бәргән һәрбий тоқунуш, австиралийәгә қарши иқтисадий сәпәрвәрлики вә муштумзорлуқ дипломатийәсиниң күчийиши қатарлиқларни тилға елип туруп, ши җинпиң рәһбәрликидики хитайниң сиясәтлири американиң сиясәт өзгәртишидики асаслиқ сәвәб, дәп көрсәткән.

"блумберг" ниң ейтишичә, курт кампилниң юқириқии сөзидин башқа йәнә америка сода вәкили катерин тәйниң хитай сода вәкили билән сөһбәттин бурун ройтерс агентлиқиға қилған сөзидә икки дөләт арисидики сода мунасивәтлиридә наһайити зор риқабәт мәвҗут дийишиму, америка-хитай мунасивәтлиридики җиддийликни ипадиләп беридикән.

Ундин башқа йәнә президент җов байденниң америкада мухбирларға сөз қилғанда корона вируси юқумниң келип чиқиши униң хитай тәҗрибиханисидин чиққан яки чиқмиғанлиқини йәниму чоңқур тәкшүрүш буйруқи бәргәнликини дийишиму күчлүк диққәт қозғиған иди.

Хитай ташқий ишлар министерлиқиниң баянатчиси җав лиҗйән 27-май күнидики мухбирларни күтүвелиш йиғинида мухбирларниң бу һәқтики соалиға җаваб берип: "америка-хитай мунасивәтлирини риқабәт дәп изаһлаш хата, чүнки у пәқәт қаршилишиш вә тоқунушни кәлтүрүп чиқириду," дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт