Aqsarayning yuqiri derijilik emeldari: "Amérika xitay bilen keskin riqabet dewrige qedem qoydi"

Muxbirimiz irade
2021-05-27
Share

Amérika aqsarayning yuqiri derijilik emeldari kurt kampél "Amérika xitay bilen keskin riqabet dewirige qedem qoydi" dégen.

"Blumbérg" xewerlirining bildürüshiche, amérika dölet bixeterlik kéngishining hindi-ténch okyan ishlirini maslashturghuchisi kurt kampbél 26-may küni stanford uniwérsitéti sahibxanliq qilghan bir pa'aliyette söz qilghanda: "Xitay bilen keng kölemde arilishish dep teswirliniwatqan dewr emdi axirlashti, amérikaning xitaygha qaritidighan siyasiti 'yéngi bir yürüsh istratégiyelik paramétirlar astida bolidu we uningdiki hökümran endize riqabet bolidu," dégen.

Kampbél sözide xitayning hindistan bilen bolghan chégrasida yüz bergen herbiy toqunush, awstiraliyege qarshi iqtisadiy seperwerliki we mushtumzorluq diplomatiyesining küchiyishi qatarliqlarni tilgha élip turup, shi jinping rehberlikidiki xitayning siyasetliri amérikaning siyaset özgertishidiki asasliq seweb, dep körsetken.

"Blumbérg" ning éytishiche, kurt kampilning yuqiriqi'i sözidin bashqa yene amérika soda wekili katérin teyning xitay soda wekili bilen söhbettin burun roytérs agéntliqigha qilghan sözide ikki dölet arisidiki soda munasiwetliride nahayiti zor riqabet mewjut diyishimu, amérika-xitay munasiwetliridiki jiddiylikni ipadilep béridiken.

Undin bashqa yene prézidént jow baydénning amérikada muxbirlargha söz qilghanda korona wirusi yuqumning kélip chiqishi uning xitay tejribixanisidin chiqqan yaki chiqmighanliqini yenimu chongqur tekshürüsh buyruqi bergenlikini diyishimu küchlük diqqet qozghighan idi.

Xitay tashqiy ishlar ministérliqining bayanatchisi jaw lijyen 27-may künidiki muxbirlarni kütüwélish yighinida muxbirlarning bu heqtiki so'aligha jawab bérip: "Amérika-xitay munasiwetlirini riqabet dep izahlash xata, chünki u peqet qarshilishish we toqunushni keltürüp chiqiridu," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet