Aqsaray özlirining ‍uyghur diyaridiki weziyettin endishe qiliwatqanliqini bildürdi

Muxbirimiz eziz
2021-11-19
Share

Aqsarayning bayanatchisi jin saki 18-noyabirdiki muxbirlarni kütüwélish yighinida amérika hökümitining Uyghur diyaridiki siyasiy weziyettin bekmu endishe qiliwatqanliqini, shuning üchün amérika hökümitining 2022-yilidiki béyjing qishliq olimpik musabiqisini diplomatik bayqut qilishni oylishiwatqanliqini bildürdi.

Roytérs agéntliqining bu heqtiki xewiride éytilishiche, jin saki bu heqte söz qilip "Bu rayon biz endishe qiliwatqan rayonlarning biri bolup, bu jayda heqler bekmu éghir derijide depsende boluwatidu" dégen.

Melum bolushiche, Uyghur diyaridiki siyasiy weziyet izchil amérika hökümitining xizmet küntertipidiki bir muhim tashqi mesililerning biri bolup, amérika prézidénti jow baydén bilen xitay re'isi shi jinpingning ötken heptidiki téléfon söhbitidimu bu mesile otturigha qoyulghanidi. "Uyghur qirghinchiliqi" heqqidiki tebirni tunji bolup otturigha qoyghan amérika hökümiti del mushu sewebtin béyjing qishliq olimpik musabiqisini diplomatik bayqut qilishni jiddiy oylashmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet