Jenubi awi'atsiye shirkiti xangju bilen aqsu arisidiki hawa qatnishini köpeytken

Muxbirimiz ümidwar
2017-03-12
Share

"Shinjang sheher géziti"ning xewer qilishiche, jéjyang ölkisining xangju shehiri bilen aqsu arisini ürümchi arqiliq biwasite tutashturidighan xangju-ürümchi-aqsu hawa qatnishida, 26-marttin étibaren her küni ikki nöwetchi ayropilan köpeytish qarar qilin'ghan. Buningdin bashqa yene eslidin bar bolghan xangju-ürümchi-aqsu nöwetchi-ayropilanimu dawamliq qatnaydiken.

Melum bolushiche, jéjyang ölkisi aqsugha nuqtiliq yardem béridighan ölke bolup, jéjyang ölkisi mexsus aqsugha yardem bérish shtabi qurghan, téxi yéqindila jéjyang ölkisidin 9-türkümdiki 400 kadir aqsugha yardem bérish üchün kelgen idi.

Inkaslardin melum bolushiche, aqsuda jéjyangliq sodigerler we köchmen ahalilerning sani köpeygen bolup, aqsudiki köpligen tijaretlerde jéjyang ölkisidin kelgenler muhim salmaqni igileydiken.

Xitayning "Sina"torining 2012-yildiki bir parche maqaliside körsitilishiche, shu waqitta aqsuda turushluq jéjyangliq sodigerlerning sani 30 ming etrapida bolup, ularning aqsuda wénjuluqlar soda jem'iyiti, jéjyangliqlar soda jem'iyiti qatarliq jem'iyetlirini qurulghan idi. Aqsudiki bu jéjyangliqlar méhmanxana qurush, méwe, paxta sodisi we bashqa tijaretlerde muhim salmaqni igiligen. Közetküchilerning éytishiche, aqsu bilen xangju arisida mundaq her küni ikki nöwetchi ayropilan qatnishini yolgha qoyush, jéjangliqlarning éhtiyajidin kélip chiqqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet