Xitay hökümiti Uyghur rayonida armiyedin chékin'gen xitaylarghimu alahide étiwar bergen

Muxbirimiz jewlan
2021-07-28
Share

Aqsu axbarat torida xewer qilinishiche, aqsu wilayetlik partkom yéqinda armiyedin chékin'gen herbiyler xizmiti rehberlik guruppisi yighini achqan. Yighinda armiyedin chékin'gen xitay eskerlirige "Armiyedin ayrilsimu partiyedin ayrilmasliq, qisimdin chékinsimu herbiy istilini yoqatmasliq, menggü partiyege egiship méngish, ülgilik we bashlamchiliq rolini jari qildurush" terbiyesi bérish, ularning idiye-siyasiy xizmitini yaxshi ishlesh tekitlen'gen. Shundaqla ular üchün mulazimet qilish, ularni ishqa orunlashturush sistémisini tézdin berpa qilish, "Armiyeni hémaye qilish" pa'aliyitini qanat yaydurush arqiliq ularning tewelik tuyghusi we bext tuyghusini ashurush xizmetliri orunlashturulghan.

Közetküchilerning qarishiche, armiyedin chékin'gen xitaylar üchün mexsus mulazimet orunlirining tesis qilinishi xitay re'isi shi jinpingning yolyoruqi bolsimu, Uyghur rayonida bu alahide siyasiy wezipe süpitide ijra qilinidiken. Xitay da'iriliri ichkiri xitaydin shunche köp xitay nopusini yötkigen, shunche köp xitay oqughuchini qiziqturup xizmetke orunlashturghan, shunche köp herbiy we memuriy shitatlarni xitaylargha bérip bingtu'en we bashqa memuriy orunlargha orunlashturghan bolsimu, bu xitaylarning "Tewelik tuyghusi, bext tuyghusi" téxi toluq shekillenmigen bolup, xitay hökümiti del mushu sewebtin ularni yuqiri ish heqqi, parawanliq we bashqa maddiy teminatlar bilen tutup qélishqa, ularni özlirining mustemlikchilik siyasiti üchün xizmet qildurushqa tirishidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet