Xitay taratquliri asasiy qatlamgha chüshken 70 ming kadirning “Zor netije” yaratqanliqini dawrang qilmaqta

Muxbirimiz qutlan
2015.02.23

“Tengritagh tori” bügün mexsus maqale élan qilip, ötken bir yilda Uyghur élidin asasiy qatlamgha ewetilgen 70 ming kadirning “Zor netije” yaratqanliqini dawrang salghan.

“Elrayini igilesh, elge nep yetküzüsh we el qelbini mujessemlesh” dégendek chirayliq qalpaqlar kiydürülgen bu heriket ötken yilining bashlirida Uyghur élida weziyet keskinleshken bir peytte yolgha qoyulghan. Halbuki, asasiy qatlamgha ewetilgen 70 ming kadirning ötken bir yil jeryanida atalmish “Zor netije” yaratqanliqi xelq'aradiki közetküchiler bilen musteqil siyasiy analizchilarning küchlük gumanini qozghimaqta.

Yerlik Uyghur ahalilirining radi'omizgha bergen inkaslirida asasiy qatlamgha chüshken kadirlarning siyasiy teshwiqat élip bérishtin bashqa yerliktiki mewjut mesililerni özgertishke héchqanche qurbi yetmigenliki melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.