Yene 10 din oshuq asasiy qatlam Uyghur kadiri bir terep qilin'ghan

Muxbirimiz irade
2017-06-08
Share

Xitay xewerler torining xewiridin qarighanda, Uyghur aptonom rayonluq intizam tekshürüsh komitéti yéqinda Uyghur élining jenubidiki kadirlarni tekshürüsh xizmiti yürgüzüp 10 neper asasiy qatlam kadiri üstidin ochuq uqturush chiqirip, ularni wezipisidin qaldurghan.

Bu 10 neper kadirning hemmisining Uyghur bolushi we hemmisining asasiy qatlamda xitay kompartiyesining muhim wezipilirini atqurghan kishiler bolushi diqqet qozghidi.

Ular qeshqer sheher shamalbagh yézisining yéza kadiri ömer abduréshit, poskam nahiye ikkisu yézisi töwenchaq kent partguruppisining sékrétari tursun abdulla, maralbéshi nahiyisi chongqurchaq yézisi üjmilik kent partguruppisining sékrétari musa qatarliq 10 kishini öz ichige alidu. Qalghan kadirlar bolsa yeken, awat, lop, aqsu shehiri, uchturpan nahiyisi, shayar nahiyiliridin bolup, ularning beziliri emilidin élinip, edliye organlirigha tapshurup bérilgen bolsa, bezilirige partiye ichide qattiq agahlandurush jazasi bérilgen.

Gerche, yuqiridiki kadirlarning hemmisige parixorluq, chiriklik, hoquqini suyi'istémal qilishtek jinayetler artilghan bolsimu, emma intizam tekshürüsh komitéti uqturushida eskertip "Yuqiridiki kadirlarning qilmishliri aptonom rayonimizning térrorluqqa qarshi turup muqimliqni saqlash kürishide bir meydan xelq urushi élip bérishni chongqur qanat yaydurushigha paydisiz weziyet yaratti" dep tekitlishi diqqet qozghidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.