B d t: ashliq yétishmeslik musapirlar we toqunushlarni köpeytidu

Birleshken döletler teshkilatining bildürüshiche, ashliq we yémek-ichmek yétishmeslik mesilisi dunyada musapirlar we qoralliq toqunushlarni yenimu köpeytiwétidiken.

B d t xewer merkizining xewer qilishiche, yuqiri melumatlar b d t dunya ashliq programmisini élan qilghan “Köchmenlikning yiltizi: ashliq xewpsizliki we dunyawi köchüsh” namliq yéngi doklatta otturigha qoyulghan.

Doklatta körsitishiche, ashliq yétishmesliktin kélip chiqqan köchüsh we qoralliq toqushlar minglighan milyonlighan demni acharchiliq we öy-makanlirini tashlap chiqip kétish xewpige qistaydiken.

Ularning körsitishiche, yémek-ichmek xewpsizlikige kélidighan her 1 pirsent xeter yene 1.5 Pirsent ademni musapirliqqa qistaydiken. Doklatqa qarighanda yene köchmenlik mesilisimu öz nöwitige yémek-ichmek yétishmeklik mesilisini éghirlashturidighan amillarning biri iken.

Xewerde neqil qilishiche, 5-may doklat élan qilish munasiwiti bilen söz qilghan b d t ashliq programmisining diréktori deywid bisléy mundaq dégen: “Bizning milyon'gha aka-uka, acha-singillirimiz öy-makanlirini tashlap qachti we sanaqsiz jebri-japalargha yoluqti. Bu tragédiyelik ehwalni bashqilargha bildürüsh bizning burchimiz.”

Melum bolushiche, nöwette yemen, somali qatarliq döletlerde 20 milyon adem acharchiliq we su yétishmeslik xewpni ichide qalghan.

Nöwette yawropa 2014-yilidin 2016-yilighiche bolghan ariliqta kélip yerleshken 1 milyon 600 ming musapirni bir terep qilish krizisigha duch kelgen.