Уйғур яш хитай өлкилиридики алий мәктәпләрдә мусулманчә ашхана ачқан

Мухбиримиз җүмә
2014-06-07
Share


Бир уйғур яш хитай өлкилиридики алий мәктәпләрдә мусулманчә ашхана ечип мәзкур мәктәпләрдики уйғур қатарлиқ мусулман оқуғучиларниң турмушиға қулайлиқ яратқан болса, уйғур тамақ мәдәнийитини техиму кәң тонуштуруш билән биргә содида пайда көрүшкә башлиған.

Хитай ахбаратлириға қариғанда, қурбанҗан тәвәккүл исимлик уйғур яш нөвәттә вухән, хубей, хунән қатарлиқ районлардики 12 мәктәпкә 17 мусулманчә ашхана ачқан.

"чаңҗяң гезити" ниң хәвәр қилишичә, қурбанҗан тунҗи ашханисини вухән университетидин башлиған. У әсли қәшқәрниң йопурға наһийисидин болуп, 2001 - йили вухән университетиға електрон кәписи бойичә бакалаврлиқта оқушқа кәлгән.

У мәктәптики уйғур вә туңган болуп 100 гә йеқин оқуғучиниң йемәк - ичмәк мәсилидики қийинчилиқни мәктәп рәһбәрлиригә инкас қилип, тамақ мәсилисини азрақ һәл қилған болсиму, мәзкур мәктәпкә тәклип қилип елип кәлгән мусулман ашпәз юртиға қайтип кетип, уларниң мусулмачә ашханиси җайида тохтап қалған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт