Asiya di'alogi zhurnili: shinjangda "Standford mehbusliri tejribisi" élip bériliwatidu

Muxbirimiz shöhret hoshur
2018-10-24
Share

Nattin'gham uniwérsitéti teripidin chiqirilidighan "Asiya di'alogi zhurnili"da Uyghur rayonidiki yighiwélish lagérlirining roli psixologiyelik nuqtidin tehlil qilin'ghan.

Bu zhurnalda "Shinjangdiki lagérlar"Standford mehbus tejribixanisigha oxshaydu" dégen mawzuda élan qilin'ghan bu maqalida xitay da'irilirining bu lagér arqiliq lagérda tutup turuluwatqanlarni zulumgha köndürüsh, lagérda wezipe ötewatqanlarni zorawanliq köndürüsh tejribisi élip bériwatqanliqini ilgiri sürgen.

Maqalida bu lagérlarda qolliniwatqan eqilge sighmaydighan jaza tedbirlirining meqsitini bashqa türlük chüshendürüshning mumkinsizliki ilgiri sürülgen.

Maqalida Uyghur rayonida yéqinqi yillardin béri bir qatar zulumgha qarshi zorawanliq weqeler yüz bergenliki, xitayning dunyadiki térrorluqqa qarshi éqimdin paydilinip bu heriketke chétilghanlarni qattiq bir terep qilghanliqi, emdilikte, milliy we diniy kimlikini jinayetning menbesi dep qarap, uning teltöküs yoqitishning charisini qiliwatqanliqi bayan qilin'ghan.

Matériyallarda körsitilishiche, standford uniwérsitétining bir proféssori 1971-yili öz oqughuchilirini mehbus we gundipay roli alghuzup, bir hepte türme hayati tejribisi élip barghan؛ tejribe netijiside gundipay rolini alghan oqughuchilarning keypiyatida zalimlishish, mehbus rolini alghan oqughuchilarning zulumgha könüsh keypiyati bayqalghan.

Mezkur maqale aptori bu meshhur psixologiye tejribisining Uyghur rayonidiki yighiwélish lagérlirida xitay kütken netijini bermeydighanliqi؛ yeni lagérdikilerning bir qismida psixikiliq buzulushni keltürüp chiqarsimu, köp qismining insaniy tebi'et seweblik zulumgha könmeydighanliqini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.