Atush sheherlik hökümet 300 neper tor charlighuchi we tor bixeterliki xadimi yallaydiken

Muxbirimiz qutlan
2017-03-18
Élxet
Pikir
Hembehr
Print
  • Print
  • Hembehr
  • Pikir
  • Élxet


"tor bixeterliki" dégen bu söz nöwette uyghur aptonom rayonining hökümet taratqulirida "muqimliq" dégen söz bilen bille tekrarlinidighan atalghugha aylan'ghan.

Atush sheherlik hökümet toridin melum bolushiche 3-ayning 14-küni atush da'iriliri uqturush chiqirip, 300 neper tor charlighuchi we tor bixeterlikini qoghdash xadimi yallaydighanliqini bildürgen.

Uqturushta "atush shehirining tinch-muqimliqini saqlash üchün" mezkur bildürgini chiqarghanliqi eskertilgen. Tor bixeterliki üchün yallinidighan yoqiriqi 300 neper xadim 8 yilliq toxtam bilen ishqa kiridiken. Ularning bu jeryanda bashqa orun'gha yötkilishige bolmaydiken.

Uqturushtin melum bolushiche, tor bixeterliki üchün qobul qilinidighan xadimlargha qoyulidighan siyasiy shertler intayin éghir iken. Uning 8-we 9-shertide ata we ana ikki terep biwasite tughqanliri ichide 3 ewlatqiche "milliy bölgünchilik", "qanunsiz diniy pa'aliyet" yaki "térrorluq" jinayiti sadir qilmighan, "dölet bixeterlikige ziyan keltürüsh jinayiti" ötküzmigen bolushi kérekken.

Közetküchiler, atush shehirining özidinla "tor saqchiliqi"üchün 300 neper xadimning qobul qilinishi, uyghur diyarining "dölet zorawanliqini yürgüziwatqan bir saqchi döliti" ning eng sezgür rayonigha aylan'ghanliqidin dérek béridu, dep qarimaqta.

Toluq bet