Atush sheherlik j x idarisi yene 2 mingdin artuq saqchi qobul qilish élani chiqarghan

Muxbirimiz qutlan
2017-08-14
Share

Atush sheherlik hökümet toridin melum bolushiche, atush sheherlik jama'et xewpsizliki idarisi 10-awghust küni mexsus élan chiqirip, 1938 neper yardemchi saqchi we 300 neper “Térrorluqqa qarshi charlash xadimi” qobul qilidighanliqini bildürgen.

Bu, bu yil kirgendin buyan atush sheherlik da'irilerning saqchi qobul qilish toghriliq chiqarghan üchinchi qétimliq élani iken.

Mezkur élanda iltimas qilghuchilarning 3 ewlad biwasite uruq-tughqanliri ichide “Milliy bölgünchilik, qanunsiz diniy pa'aliyet we yaki bashqa siyasiy jinayet” sadir qilghan kishilerning bolmasliqi aldinqi shert qilin'ghan.

Élanda déyilishiche, atush sheherlik j x idarisi qobul qilidighan “Térrorluqqa qarshi charlash xadimliri” ning ayliq ish heqqi 4900 somdin 5400 somghiche bolidiken. Yardemchi saqchilarning ish heqqi 2600 som bolidiken.

Igilinishiche, atush shehirining hazirqi nopusi 200 mingdin artuq bolup, da'irilerning atushta eslide bar bolghan qoralliq saqchi, adettiki saqchi we yardemchi saqchilardin sirt, bu yil kirgendin buyan yene 3 qétim zor kölemde saqchi qobul qilishi közetküchilerning diqqitini qozghimaqta. Közetküchilerning qarishiche, 200 ming nopusqa ige bir sheher üchün bir qétimda 2238 neper saqchi qobul qilish intayin zor san hésablinidiken.

“Jenubiy xitay etigenlik pochtisi” gézitining 12-awghusttiki xewirige qarighanda, chén chüen'go Uyghur éligha sékrétar bolghandin buyanqi 11 ay dawamida, yeni 2016-yili séntebirdin buyan Uyghur diyarida 84 mingdin köprek amanliq xadimi qobul qilish heqqide élan chiqarghan iken. Bu Uyghur diyarida ötken 10 yildin buyan qobul qilin'ghan amanliq xadimlirining omumiy sanidin 50 pirsent köp iken.

Uyghur weziyitige yéqindin diqqet qilip kéliwatqan közetküchiler, bu ehwal Uyghur aptonom rayonining “Mukemmel bir saqchi döliti” ge aylandurulghanliqini körsitip béridu, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet