Хитай уйғур яшлириниң "‍австралийә ‍стиратегийәлик сиясәт иниститути" ни сотқа әрз қилидиғанлиқини билдүргән

Мухбиримиз әркин
2021-06-21
Share

Хитай даирилири өткән қетим германийәлик тәтқиқатчи адриян зензни уйғур мәҗбурий әмгики һәққидики доклати сәвәблик сотқа тартидиғанлиқини елан қилған иди. Бу қетим даириләр "австралийә ‍стиратегийәлик сиясәт иниститути" ни сотқа тартидиғанлиқини елан қилған.

Хитайниң "йәр шари вақит гезити" хитайниң чаңша шәһиридә турушлуқ нурадил обулқасим исмлик бир уйғур яш билән қутлуқ қадир исимлик йәнә бир уйғур яшниң "австралийә стиратегийәлик иниститути" ни сотқа тартидиғанлиқини билдүргән.

Бу кишиләрниң мәзкур органни сортқа әрз қииш сәвәби наһайити ғалитә болуп, улар "австралийә стиратегийәлик иниститути" ниң ‍өткән йили 3-‍елан қилған доклати ‍өзлириниң образиға дәхли қилғанлиқини, мәзкур доклатта өзлириниң "әмгәкни мәҗбури қилидиған һорун адәмләрдәк" көрситилип, "ишқа орунлишишға дәхли қилғанлиқи" ни илгири сүргән.

"австралийә хәвәрләр" торниң билдүрүшичә, "австралийә истиратегийәлик иниститути" елан қилған бу һәқтики баянатида мәзкур доклатиниң сүпитиниң йоқирилиқини тәкитләп: "биз давамлиқ логикилиқ, мустәқил, санлиқ мәлуматларға таянған тәтқиқатларни давамлиқ елип беримиз," дегән.

Көзәткүчиләрниң қаришичә, хәлқарада күнсери осал әһвалға чүшүп қеливатқан хитай һөкүмити буниңға ошаш вастиларни ишлитип, чәт әл тәтқиқатчилириға вә тәтқиқат орунлириға тәһдит салмақта ‍икән. Даириләр өткән қетим қәшқәрдики "шйоңйиң йип шеркити" ниң адриян зенз үстидин сотқа әрз қилғанлиқи, сотниң әрзни қобул қилғанлиқини билдүргән. Бирақ адриян зенз бу хил тәһдитләргә писәнт қилмайдиғанлиқини билдүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт