Awstraliye kéngesh palatasi Uyghur mejburiy emgek mehsulatlirini chekleydighan qanun layihesi maqullidi

Muxbirimiz erkin
2021.08.23

Awstraliye kéngesh palatasi 23-awghust küni bélet tashlap, Uyghur mejburiy emgek mehsulatlirini chekleydighan bir qanun layihesini maqullighan. Melum bolushiche, awstraliye kéngesh palata ezasi reks patrik teripidin sunulghan “Tamozhna qanun tüzitish layihesi-2021” namliq bu qanunda qismen yaki pütünley mejuriy emgek bilen ishlepchiqirilghan herqandaq mehsulatning import qilinishi cheklinidiken.

Rekis patrik xitay kompartiyesining asasliq mejburiy emgek bilen shughullan'ghuchilarning biri ikenlikini körsitip: “Xitay komunist hakimiyitining Uyghurlarni keng kölemlik we sistémiq basturuwatqanliqi, jümlidin Uyghurlarni zenjirlep esir élin'ghan emgek küchliri süpitide ishlitiwatqanliqini ret qilghili bolmaydu,” dégen.

“Awstiraliye” gézitining xewer qilishiche, rekis patrik yene “Uyghur mejburiy emgiki shinjangning zor kölemlik paxta ishlepchiqirishida achquchliq rol oynaydighanliqi, uning xelq'ara markilarning teminat zenjirini öz ichige alghan bir yürüsh xitay sana'et sahesige kéngeygenliki” ni éytqan.

Uning éytishiche, awstraliye xitay hökümitide “Buning mentiqisiz ikenliki we qobul qilinmaydighanliqi toghrisida héchqandaq guman qoymasliqi kérek,” iken. Biraq bu qanun noqul Uyghurlar bilen cheklinip qalmighan. U téximu keng da'irini öz ichige alghan bolup, u herqandaq döletning mejburiy emgekte ishlepchirilghan mehsulatining awstraliyege import qilinishi chekleydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.