"Sidnéy jinayi ishlar adwokatliri" tor bétide Uyghur mesilisi tonushturuldi

Muxbirimiz irade
2018-03-08
Share

Bügün awstraliyediki bir chong adwokatliq shirkiti bolghan "Sidnéy jinayi ishlar adwokatliri" tor bétide mexsus Uyghurlar üstidin yürgüzülüwatqan bésim siyasetliri heqqide bir parche maqale élan qilindi. "Xitay hökümiti Uyghurlargha türlük teqiplerni élip barmaqta" dep mawzu qoyulghan bu maqalide xitay hökümitining Uyghur élida yürgüzüwatqan yuqiri bésimliq siyasetliri tepsiliy chüshendürülgen.

Maqalide xitay hökümitining Uyghur éligha yéqinqi yillardin buyan yüzminglap saqchi qoshuni sepligenliki, Uyghur élida yüz bergen kichik kölemlik pichaqliq hujum qatarliq naraziliq weqelirige heddidin ziyade inkas qayturup, jinayet gumandarliri sanalghan Uyghurlarni neq meydanda étip tashlashtek qebih usullarni qolliniwatqanliqini bayan qilghan. 

Maqalida chén chüen'go Uyghur éligha partkom sékrétari bolup kelgendin buyan, qedemde bir qurulghan "Qulayliq saqchi ponkitliri", yuqiri téxnikiliq nazaret sistémiliri, sayahet cheklimiliri qatarliq siyasetlerning hemmisi tilgha élin'ghan. Uningdin bashqa xitay hökümitining pilanliq halda xitay köchmenlirini yötkishi netijiside Uyghurlarning öz zéminida téz sür'et bilen az sanliq orun'gha chüshüp qalghanliqi, Uyghurlarning xitay hökümitining siyasetlirige naraziliq bildürüp körsetken qarshiliqlirini xelq'ara térrorluq teshkilatlirigha baghlawatqanliqini bayan qilin'ghan. Maqalida yene dunya Uyghur qurultiyining re'isi dolqun eysaning sözini neqil keltürüp, xitay hökümitining Uyghurlar üstidin "Dölet térrorluqi" yürgüzüwatqanliqini ipade qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet