Awstraliyening “Sidnéy etigenlik xewerchi” géziti rabiye qadir heqqide maqale élan qildi

Muxbirimiz erkin
2018.04.09
Share on WhatsApp
Share on WhatsApp

Awstraliyening “Sidnéy etigenlik xewerchi” géziti chong hejimlik maqale élan qilip, d u q aliy rehbiri rabiye qadir xanimning yéqinda élip barghan awstraliye ziyariti, uning Uyghur rayonidiki yépiq “Terbiyelesh lagér” liri heqqidiki endishilirini tonushturdi.

Maqalida 71 yashliq rabiye qadir xanimning 37 neper a'ile ezasining mezkur “Terbiyelesh lagér” lirigha solan'ghanliqi eskertilip, uning bu lagérlargha qarshi eng axirqi tirishchanliqlarni körsitiwatqanliqini tekitligen.

Maqalida uning sözi neqil keltürüp, bir milyondek Uyghurning bu lagérlargha solan'ghanliqi, xitay kompartiyesining ularni solashta qanuni tertiplerni bir chetke qayrip qoyghanliqini bildürgen.

Lagérlar mesilisi muhajirettiki Uyghurlarning küntertipidiki eng jiddiy mesile. Yéqinda amérika dölet mejlisining gholluq ikki ezasi amérikining béyjingdiki bash elchisige mektup yézip, uning yépiq “Terbiyelesh lagér” lirini tekshürüshni, erkin asiya radiyosi muxbirlirining we rabiye qadir xanimning a'ile-tawabi'atlirining aqiwitini sürüshtürüshni telep qilghan.

Awam palata ezasi kristofir simit bilen kéngesh palata ezasi marku rubiyu mektupida, amérika hökümitining buninggha küchlük inkas qayturushi kéreklikini bildürgen idi.

“Sidnéy etigenlik xewerchi” gézitide élan qilin'ghan “Xitay untulup kétishni arzu qilidighan ayal” serlewhilik maqalida yene, rabiye qadir xanimning bu qétimqi awstraliye ziyaritide awstraliye parlamént ezasi maykél danbiy bilen körüshkenliki tilgha élinip, maykél danbiyning “Uyghurlarning islami fundamintalizm bilen héchqandaq chétishliq tarixiy yoq.

Ularning qedimiy medeniyiti we tarixiy tibetlerge oxshashla yoqitiliwatidu. Bu xitay asasi qanunidiki az sanliq milletlerning hoquqigha xilap” dégen sözlirini neqil keltürülgen.

Rabiye qadir xanim awstraliyeni tunji qétim 2009‏-yili ziyaret qilghan. Uning shu qétimqi ziyariti xitay hökümiti we axbaratining qattiq qarshiliqigha uchrighan. U bu qétimqi ziyaritide awstraliyediki Uyghurlarning kanbérra shehiride awstraliye parlaménti, amérika we xitayning kanbérradiki elchixanilirining aldida ötküzülgen namayishlirigha qatnashqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet