Австралийә парламенти хитайниң уйғурлар үстидики җинайити тоғрулуқ муназирә елип барған

Мухбиримиз җәвлан
2021-03-22
Share

Ройтрес агентлиқиниң 22-март хәвәр қилишичә, австралийә парламенти 22-март күни хитайни "системилиқ һалда кишилик һоқуқ дәпсәндичилики йүргүзди" дәп әйибләш һәққидә муназирә елип барған. Әгәр буниңдин бир нәтиҗә чиқса, башқа қанун турғузуш орунлири хитайниң уйғур районида елип барған қилмишини "ирқий қирғинчилиқ" дәп атайдикән.

Австралийә лебрал партийәсиниң әзаси кевин андрев: "шинҗаңда һазир дуня бойичә әң қәбиһ, әң системилиқ кишилик һоқуқ дәпсәндичилики йүз бериватиду" дегән. У йәнә бу һәқтә парламентқа бир тәклип сунған болуп, асаслиқ партийәләрниң көплигән әзалириниң қоллишиға еришкән. Бу тәклип, австралийә һөкүмитини заманиви қуллуқ түзүмигә қарши туридиған қанунни иҗра қилип, мәҗбурий әмгәккә четишлиқ мал тәминләш линийәсини үзүп ташлашқа чақириқ қилиш ролини ойнайдикән. Һалбуки, бу тәклипниң қачан аваз қоюлидиғанлиқи техи ениқ әмәс икән.

Австралийә ишчилар партийәсидин болған бир парламент әзасиниң билдүрүшичә, австралийәдики 3000 дин көп уйғур йәнила зор тәшвиш ичидә болуп, уларниң көпинчиси уруғ-туғқанлириниң из-дерикини алалмиған. Тәһлилчиләрниң қаришичә, хитайниң җинайити австралийәдә "ирқий қирғинчилиқ" дәп бекитилип қалса, буниң хитайға болидиған бесими хелила күчлүк болидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт