Австралийә хитайниң тәһдитлиригә боюн әгмәйдиғанлиқини билдүрди

Мухбиримиз ирадә
2020-06-11
Елхәт
Пикир
Share
Принт

Австралийә баш министири скот моррисон 11-июн пәйшәнбә күни қилған сөзидә австралийәниң хитайниң тәһдитлиридин қорқуп қалмайдиғанлиқини ейтқан.

Австралийә хитайниң вухән шәһиридә пәйда болған таҗсиман вирусниң келиш мәнбәси үстидин мустәқил хәлқаралиқ тәкшүрүшни тәләп қилғандин кейин хитай буниңға қаттиқ нарази болған вә австралийәгә експорт чәклимиси қоюш шундақла хитай оқуғучиларни австралийәдә оқумаслиққа чақириштәк васитиләр арқилиқ австралийәгә тәһдит қилмақчи болған.

Ройтерс агентлиқиниң хәвәр қилишичә, моррисон 11-июн күнидики сөзидә «биз очуқ сода қилидиған дөләт, әмма биз тәһдит қәйәрдин келишидин қәтийнәзәр, өзимизниң қиммәт қаришимизни сетивәтмәймиз,» дегән.

Бу йил 5-айда ечилған дуня сәһийә мәҗлисидә 117 дөләт австралийәниң хитайда вирус үстидә мустәқил тәкшүрүш елип бериш чақириқини қоллап аваз бәргән иди. Хитай һөкүмитиниң авази болған «йәршари вақти гезити» шу вәқәдин кейин мақалә елан қилип, австралийәни «америка сизип бәргән сизиқта маңди,» дәп тәнқидлигән, һәтта австралийәгә һақарәт қилған иди. Австралийә болса буниңға җавабән хитайни дуня сода тәшкилатиға әрз қилидиғанлиқини җакарлиған.

Пикирләр (0)
Share
Толуқ бәт