Австралийә хитайниң соломон тақим арилиға су асти интернет линийәси улаш пиланини битчит қилди

Мухбиримиз шөһрәт һошур
2018-06-13
Share

Австралийә һөкүмити йеқинда окянийә қитәсидики соломон тақим араллириға су асти интернет линийәси орунлаштуруш вә бир тор бихәтәрлик мәркизи тәсис қилиш қурулушиға мәбләғ аҗритидиғанлиқини билдүргән.

Ройтерз агентлиқиниң бүгүнки бу һәқтики хәвиридә баян қилинишичә, австралийә һөкүмитиниң бу қарари хитайниң хуавей ширкитиниң өткән йили соломон тақим араллири һөкүмити билән түзгән бу һәқтики қурулуш тохтами пиланини битчит қилған.

Австралийә һөкүмити билән соломон тақим араллири һөкүмити арисидики мәзкур қурулуш келишими бүгүн, йәни соломон баш министири рик һонепвеланиң канберра зиярити давамида икки тәрәп қошма баянати арқилиқ елан қилинған. Австралийә баш министири җулий бишоп бүгүн бу һәқтә мухбирларға мундақ дегән: "ишниң бихәтәрлик тәрипидин еғиз ачсам тоғра болмайду, әмма ениқ бир нуқта шуки, бизниң қурулуш тәннәрхимиз төвән болғачқа соломон араллири бизни таллиди". Соломон араллириниң баш министири бүгүн австралийәниң а б с агентлиқиға қилған сөзидә соломон араллириниң хуавей ширкити билән өткән йили түзгән тохтамини австралийәниң әндишиси сәвәблик бикар қилғанлиқини ашкарилиған.

Ройтерз агентлиқиниң бүгүнки хәвиридә әслитилишичә, хитайниң хуавей ширкити хитай җасуслуқ органлириға учур яки үскүнә тәминләш гумани билән йеқинқи йиллардин буян америка вә австралийә қатарлиқ дөләтләрниң еһтият обйектиға вә назарәт қилиш нуқтисиға айланмақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт