Awstraliye xitayning solomon taqim ariligha su asti intérnét liniyesi ulash pilanini bitchit qildi

Muxbirimiz shöhret hoshur
2018-06-13
Élxet
Pikir
Share
Print

Awstraliye hökümiti yéqinda okyaniye qit'esidiki solomon taqim arallirigha su asti intérnét liniyesi orunlashturush we bir tor bixeterlik merkizi tesis qilish qurulushigha meblegh ajritidighanliqini bildürgen.

Roytérz agéntliqining bügünki bu heqtiki xewiride bayan qilinishiche, awstraliye hökümitining bu qarari xitayning xu'awéy shirkitining ötken yili solomon taqim aralliri hökümiti bilen tüzgen bu heqtiki qurulush toxtami pilanini bitchit qilghan.

Awstraliye hökümiti bilen solomon taqim aralliri hökümiti arisidiki mezkur qurulush kélishimi bügün, yeni solomon bash ministiri rik honépwélaning kanbérra ziyariti dawamida ikki terep qoshma bayanati arqiliq élan qilin'ghan. Awstraliye bash ministiri juliy bishop bügün bu heqte muxbirlargha mundaq dégen: "Ishning bixeterlik teripidin éghiz achsam toghra bolmaydu, emma éniq bir nuqta shuki, bizning qurulush tennerximiz töwen bolghachqa solomon aralliri bizni tallidi". Solomon arallirining bash ministiri bügün awstraliyening a b s agéntliqigha qilghan sözide solomon arallirining xu'awéy shirkiti bilen ötken yili tüzgen toxtamini awstraliyening endishisi seweblik bikar qilghanliqini ashkarilighan.

Roytérz agéntliqining bügünki xewiride eslitilishiche, xitayning xu'awéy shirkiti xitay jasusluq organlirigha uchur yaki üsküne teminlesh gumani bilen yéqinqi yillardin buyan amérika we awstraliye qatarliq döletlerning éhtiyat obyéktigha we nazaret qilish nuqtisigha aylanmaqtiken.

Toluq bet