Lowiy instituti: "Awstraliye xitay bilen shérik emes"

Muxbirimiz sada
2019-06-26
Élxet
Pikir
Share
Print

Yéqinda awstiraliyediki aqillar merkizi bolghan lowiy institutida élip bérilghan 2019-yilliq el rayini sinashta awstraliyening xelq'aradiki eng muhim shériki heqqidiki özgirishler ashkarilan'ghan.

26-Iyun mezkur institutning torbétide élan qilin'ghan munasiwetlik xewerdin melum bolushiche, bu qétim kilimatning özgirishi, chet'el tesiri we téxnika jehetlerdin el rayi sinalghan. 2019-Yilidiki bu sinaqning netijiside awstraliye xelqining xitaygha bolghan ishenchisi we yéqinchiliqi burunqidin ajizlashqanliqi körsitilgen.

Xewerde déyilishiche, bezi awstiraliyelikler dölet iqtisadining xitaygha bekla béqinip qalghanliqi, mushu sewebtin xitayning u yerde herbiy heriketlirini xalighanche élip barghanliqini, awstiraliye hökümitining iqtisadta musteqil bolup, xitayning bu yerde qilghan yuqiriqi qilmishlirigha qet'iy qarshiliq bildürüshi lazimliqini bildürgen.

Melum bolushiche, xitay asiya-tinch okyan rayonida awstraliye bilen bolghan soda we bashqa sahelerdiki munhsiwiti nahayiti qoyuq bolghan döletlerning biri. Emma xitay dunyadiki ikkinchi chong iqtisadiy küchke aylan'ghandin kéyin, mezkur rayonda özining herbiy küchini köz-köz qilishqa bashlighan we awistraliyege tehdit shekillendürgen. Netijide awstiraliyening xitaygha bolghan munasiwetliride özgirish yüz bérishke bashlighan.

Toluq bet