Awstraliye xitayning eyibleshlirige "Awstraliye haman awstraliye bolidu" dep jawab bergen

Muxbirimiz irade
2020-11-19
Share

19-Noyabir küni awstraliye bash ministiri xitayning awstraliyege kishilik hoquq, musteqil axbarat we meblegh sélish siyasetlirige qarita otturigha qoyghan on nechche maddiliq naraziliq tizimlikige jawab qayturup: "Biz haman awstraliye bolimiz," dégen.

Roytérs agéntliqining xewirige qarighanda, ikki dölet munasiwiti awstraliye tajsiman wirus yuqumining menbesini tekshürüshni telep qilghandin kéyin, xitayning astraliyedin öch élish xaraktéridiki iqtisadiy jazalarni qoyushi bilen jiddiyleshkendin kéyin, awstraliye hökümet ministirliri yéqinda béyjing bilen bolghan alaqini yaxshilashni xalaydighanliqini bildürgen. Buning bilen xitayning tashqi ishlar ministirliqi bir bayanat élan qilip: "Awstraliye xataliqini tüzitish üchün konkrét heriket qollinishi kérek," dégen we awstraliyeni xitaygha tutuwatqan 17 xil siyasitini özgertishke chaqirip, 17 maddiliq tizimlikini élan qilghan.

Biraq awstraliye bash ministiri skot morrison 19-noyabir peyshenbe küni xitayning tizimlikini tilgha élip turup, awastraliyening öz menpe'etini qoghdash üchün heriket qilghanliqini éytqan we awstraliyening erkin axbarat, saylinip chiqqan parlamént ezalirining öz pikrini bayan qilish we kishilik hoquq heqqide sözlesh qatarliq siyasetlirini özgertelmeydighanliqini tekitligen we "Eger bular munasiwettiki jiddiylikning sewebi bolsa, undaqta, bu jiddiylik awstraliyening peqet awstraliye bolghanliqidin dérek béridu," dégen.

Melum bolushiche, xitay tashqi ishlar ministirliqining bayanatchisi jaw lijyen jakarlighan 17 maddiliq tizimlikte awistiraliyening "Xitayning xongkong mesilisi, Uyghurlar mesilisi we teywen'ge oxshash yadroluq menpe'itige munasiwetlik mesililerde xataliq ötküzgenlikini", kishilik hoquq kéngishide xitayni eyibligenlikini we teywenning dunya sehiye teshkilatigha kirishini qollighanliqi qatarliqlar orun alghan iken.

Xitayning mutihemlerche tashqi siyaset yürgüzüshi barghanséri köp döletlerning naraziliqi we qarshiliqigha duch kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet