Xitay hökümiti awstraliyediki atalmish Uyghur “Térrorluqi” gha munasiwetlik twéttér hésabatlirini közetmekte

Muxbirimiz eziz
2017.12.05
Share on WhatsApp
Share on WhatsApp

Hazir xitayning jéjyang ölkisidiki wujén shehiride échiliwatqan “4-Nöwetlik dunya intérnét yighini” da xitay hökümitining awstraliyediki islam “Térrorluqi” gha chétishliq ijtima'iy taratqu hésabatlirini közitiwatqanliqi melum boldi.

“Gherb adwokatliq” torida 5-dékabir élan qilin'ghan bu heqtiki maqalida körsitilishiche, xitay hökümiti bashqurushidiki térrorluqqa qarshi turush organliri nöwette “Sherqiy türkistan islam térrorchiliri” dep atiliwatqan kishilerge chétishliq tiwéttér hésabatlirini iz qoghlap tekshürmekte iken.

“4-Nöwetlik dunya intérnét yighini” da xitayning térrorluqqa qarshi mutexessisliridin méy jyenming hazir awstraliyede mushundaq twittér hésabatidin 34 ni bayqighanliqini, bu kishilerning twéttérda “Térrorchilar” ni qollap, xitaygha qarshi küchler bilen ichqoyun-tashqoyun boluwatqanliqini bildürgen. U yighinda körsetken isimlikler qatarida awstraliyediki Uyghurlarning üch puqrawi teshkilati tilgha élinidu.

Uning bildürüshiche, bu hésabat igiliri twéttérda xitayning “Bir belwagh we bir yol” qurulushi heqqide selbiy pikirlerni tarqitish, “Burmilan'ghan pakitlar arqiliq shinjangning musteqilliqini terghib qilish” bilen meshghul bolidiken. Awstraliye latrob uniwérsitétining proféssori jéymis léybold xitayning bu heriketliridin héchqandaq heyran qélishning hajiti yoqluqini tekitleydu.

U bu heqte söz qilip: “Awstraliyediki Uyghurlar hazir shinjangdiki tughqanlirimni saqchilar aware qilamdikin, dep ensirep, uruq-tughqanliri bilenmu alaqe qilalmaywatidu” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet