Австралийә даирилири хитай ширкәтлириниң сидней ток йәткүзүш линийисини иҗаригә елишини чәкләйдиғанлиқини билдүрди

Мухбиримиз үмидвар
2016-08-11
Share


Бирләшмә агентлиқиниң хәвәр қилишичә, пәйшәнбә күни австралийә даирилири хитай ширкәтлириниң сиднейниң ток йәткүзүш линийисини иҗаригә елишини чәкләйдиғанлиқини билдүргән. Малийә министири сикот моррисон сөзидә, хитай дөләт игиликидики линийә гуруһи вә хоңкоңда тизимға алдурулған чеңкоң асасий қурулуш гуруһиниң австралийә тәвә "авсгирд" ширкитиниң 50.04 Пирсәнтлик пейини иҗаригә елиши дөләт мәнпәәтигә уйғун әмәс, дегән. Әмма моррисон бу содиниң дөләт мәнпәәтигә кәлтүридиған сәлбий тәсирлириниң немилики һәққидә тәпсили тохталмиған.

Хәвәрдә ейтилишичә, мәзкур қарар чиққан тәқдирдә 10 милярд австралийә доллирилиқ сода әмәлгә ашмаслиқи вә бу кирим арқилиқ ясалмақчи болған сидней төмүр йол қурулуши вә асасий қурулуш пиланиму әмәлдин қелиши мумкин икән.

Бирақ австралийә малийә министири моррисон бу һәқтә тохтилип, "чәтәл мәблиғи, болупму юқириқидәк мүлкләргә селинидиған мәбләғләргә кәлгәндә дөләт мәнпәәти һәммидин үстүн туриду", дегән.

Хитайниң шинхуа агентлиқи болса австралийә даирилириниң бу қарарини әйиблигән.

Мәлум болушичә, хитай һөкүмитиниң җәнубий җуңго деңизниң игилик һоқуқ мәсилисидә барғансери иғвагәр позитсийидә болуши австралийәдә һазир хитай ширкәтлириниң, болупму дөләт игиликидики хитай ширкәтлириниң мәблиғигә қарита талаш - тартиш инкаси пәйда қилмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт