Awstraliye da'iriliri xitay shirketlirining sidnéy tok yetküzüsh liniyisini ijarige élishini chekleydighanliqini bildürdi

Muxbirimiz ümidwar
2016-08-11
Élxet
Pikir
Share
Print


Birleshme agéntliqining xewer qilishiche, peyshenbe küni awstraliye da'iriliri xitay shirketlirining sidnéyning tok yetküzüsh liniyisini ijarige élishini chekleydighanliqini bildürgen. Maliye ministiri sikot morrison sözide, xitay dölet igilikidiki liniye guruhi we xongkongda tizimgha aldurulghan chéngkong asasiy qurulush guruhining awstraliye tewe "Awsgird" shirkitining 50.04 Pirsentlik péyini ijarige élishi dölet menpe'etige uyghun emes, dégen. Emma morrison bu sodining dölet menpe'etige keltüridighan selbiy tesirlirining némiliki heqqide tepsili toxtalmighan.

Xewerde éytilishiche, mezkur qarar chiqqan teqdirde 10 milyard awstraliye dolliriliq soda emelge ashmasliqi we bu kirim arqiliq yasalmaqchi bolghan sidnéy tömür yol qurulushi we asasiy qurulush pilanimu emeldin qélishi mumkin iken.

Biraq awstraliye maliye ministiri morrison bu heqte toxtilip, "Chet'el meblighi, bolupmu yuqiriqidek mülklerge sélinidighan mebleghlerge kelgende dölet menpe'eti hemmidin üstün turidu", dégen.

Xitayning shinxu'a agéntliqi bolsa awstraliye da'irilirining bu qararini eyibligen.

Melum bolushiche, xitay hökümitining jenubiy junggo déngizning igilik hoquq mesiliside barghanséri ighwager pozitsiyide bolushi awstraliyede hazir xitay shirketlirining, bolupmu dölet igilikidiki xitay shirketlirining meblighige qarita talash - tartish inkasi peyda qilmaqta iken.

Toluq bet