Австралийә кеңәш палата әзалири хитайниң уйғурларға қарита йүргүзгән җинайитини "ирқий қирғинчилиқ" дәп тонушқа чақирилди

Мухбиримиз нуриман
2021-03-02
Share

"муһапизәтчи" гезитиниң 1-март бәргән хәвиригә асасланғанда канада вә голландийә парламентида хитай һөкүмитиниң уйғурларға йүргүзгән сиясити "ирқий қирғинчилиқ" дәп етирап қилинғандин кейин австралийә парламент әзалири австралийә юқири палата, йәни кеңәш палата әзалириниму охшаш шәкилдә хитай һөкүмитиниң уйғурларға қилған муамилисини "ирқий қирғинчилиқ" дәп тонушқа чақирған.

Җәнубий австралийә мустәқил кеңәш палата әзаси рекис патрикниң сөзигә қариғанда, бу тәклип лайиһәси кеңәш палатасиниң 15-марттики күнтәртипигә қоюлған. У йәнә бу лайиһәниң австралийә хәлқара җәмийәткә қатнишишқа һазирлиниватқан пәйттики асаслиқ партийәләрниң синиқи һесаблинидиғанлиқини тәкитлигән.

Австралийәдә яшаватқан уйғур җамаитиму алдинқи һәптә викторийә мәйдандин җәнубий австралийә парламент бинасиға қәдәр аммиви йүрүш вә намайиш паалийити елип барған болуп, австралийә һөкүмитидин америка, канада вә голландийә қатарлиқ дөләтләргә охшаш хитай һакимийитиниң уйғурларға йүргүзгән җинайи қилмишлирини рәсмий һалда "ирқий қирғинчилиқ" вә "инсанийәткә қарши җинайәт" дәп елан елишни тәләп қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт