Awstraliye qanili xitayning CGTN we CCTV qanallirining xewirini bérishni toxtatqan

Muxbirimiz erkin
2021-03-12
Share

Awstraliye téléwiziye qanili SBS kishilik hoquq teshkilatlirining shikayiti bilen xitayning CGTN we CCTV qanallirining xewerlirini tarqitishni toxtatqan. Roytérs agéntliqining xewer qilishiche, SBS ning bayanatchisi 12-mart roytérsning muxbirigha CCTV we CGTN programmilirining shenbe kündin bashlap tarqitilmaydighanliqi, SBSning bir kishilik hoquq teshkilati sun'ghan bu qanallar heqqidiki shikayetni közdin kechürüwatqanliqini bildürgen.

SBS Ning bayanatida: "Otturigha qoyulghan jiddiy endishe we alaqidar matériyallarning murekkeplikini közde tutup, biz bu qanallarni közdin kechürüwatqan waqitta, chet'eldin kélidighan CCTV we CGTN ning xewerlirini tarqitishni toxtitip turushi qarar qilduq" déyilgen. Buning aldida en'gliyemu CGTN ning en'gliyede tarqilishini toxtatqan idi. Melum bolushiche, awstraliyediki "Qoghdighuchilarni qoghdash" kishilik hoquq teshkilati SBS qaniligha xet yézip, CGTN we CCTV ning axbarat prinsipigha xilapliq qilip kelgenliki, xitay hökümitining kishilik hoquqni depsende qilishigha hemkarlashqanliqini shikayet qilghan.

"Qoghdighuchilarni qoghdash teshkilati" ning éytishiche, xitayning CCTV qanili 2013-yildin 2020-yilghiche 56 kishini téléwizorgha chiqirip, mejburiy iqrar qildurghan iken. CGTN Qanili xitayning Uyghur élide "Irqiy qirghinchiliq" qiliwatqanliqini inkar qilishi, chet'eldiki Uyghur musapirlirining ghayib bolghan a'ile ezalirini téléwizorgha chiqirip, xitayning siyasitini mejburiy aqlishi, gherb taratqulirini we Uyghur musapirlirini "Shinjanggha töhmet qilish" bilen eyibleshke mejburlishida aktip rol oynap kelgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet