Awstraliye hökümiti Uyghurlar mesiliside xitay hökümitini tenqid qilishqa chaqirildi

Muxbirimiz irade
2018-07-25
Élxet
Pikir
Share
Print

Awstraliye hökümiti Uyghurlargha yürgüzülüwatqan éghir kishilik hoquq depsendichilikini eyibleshke chaqirildi. Bügün, awstraliye dölet uniwérsitétining proféssori, doktor maykil klark "Söhbet" namliq ilmiy zhurnalda maqale élan qilip, xitay hökümitining Uyghur élide yürgüzüwatqan éghir kishilik hoquq depsendichiliklirini, yépiq terbiye lagérlirini pash qildi we awstraliye hökümitinimu xuddi amérika hem bir qisim yawropa elliri hökümetlirige oxshash xitayni ochuq-ashkara eyibleshke chaqirdi.

U maqaliside, awstraliye hökümitining 1989‏-yili tyen'enmin oqughuchilar weqesi basturulghanda xitayni tenqid qilghanliqini eslitip turup, "Xitay hökümitining Uyghur élide qiliwatqanliri yuqiriqidin perqliq emes" dégen. U yene, awstraliyelik qanun tüzgüchilerni "Xitay hökümiti Uyghur élide yépiq terbiye lagérlirini yolgha qoyuwatidu," dep tonushi kéreklikini, chünki Uyghur élide yüz bériwatqanlarning xitayning kélechekte dölet ichide we xelq'arada qandaq bir weziyet yaritidighanliqidin dérek béridighanliqini eskertken.

U maqalisining axirida awstraliye döliti we xelqige chaqiriq qilip: "Netijide, yüz minglighan Uyghur peqet Uyghur bolghanliqi üchünla ziyankeshlikke uchrawatqan bir shara'itta biz buninggha süküt qilip tursaq bolmaydu" dep yazghan.

Toluq bet