Awstraliye istiratigiyelik siyaset instituti Uyghur diyaridiki uzunluqi 3 kilométir kélidighan bir lagérni ashkarilidi

Muxbirimiz erkin
2020-10-12
Share

Awstraliye istratégiyelik siyaset instituti xitayning Uyghur diyaridiki uzunluqi 3 kilométir kélidighan ghayet zor kölemlik bir lagérining sün'iy hemrah süritini ashkarilighan.

"MBS Xewerliri" torining bildürüshiche, awstraliye istratégiyelik siyaset instituti xelq'ara tor merkizining tetqiqatchisi neytin rusér 3 kilométir uzunluqtiki bu lagérning süritini torda élan qilghan. Neytin rusér bu lagérning kölimining disnéy baghchisi bilen teng ikenliki, lagérdiki mehbuslarning diniy we medeniyitige alaqidar atalmish "Jinayitliri" seweblik tutqun qilin'ghanliqini bildürgen.

Uning tekitlishiche, bu lagér ötken yili 11-ayda kéngeytilip, bir kilométir uzartilghan iken. Neytin rusér awstraliye istratégiyelik siyaset institutining ötken ayda élan qilin'ghan lagérlar heqqidiki doklatini teyyarlighan tetqiqatchilarnin biri. Ular sün'iy hemrah süretlirini analiz qilinip, 380 dek lagérning ornini tapqan we bu lagérlarning dawamliq kéngiyiwatqanliqi bayqighan. Ular yéqinda élan qilghan yene bir doklatida rayondiki 16 mingdek meschitning chéqilghanliqi yaki buzghunchiliqqa uchrighanliqini éniqlighan idi.

Lékin neytin rusér 3 kilométir uzunluqtiki lagérning konkrét qaysi rayon'gha jaylashqanliqini körsetmigen. Ilgiri BBC özining 2018-yili tarqatqan lagérlar heqqidiki bir neq meydan xewiride rayondiki eng chong lagérning ürümchi etrapidiki dawanchinggha jaylashqanliqini bildürgen. Awstiralyelik mutexessisler dawanchingdiki lagérgha 130 mingdek adem sighidighanliqini ilgiri sürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.