Австралийә кабинет министири хитайниң бир милйон уйғурниң тутқун қилинғанлиқи «сахта хәвәр» дегән сөзини рәт қилди

Мухбиримиз әркин
2019-12-20
Елхәт
Пикир
Share
Принт

Австралийә кабинет министири мишилия кәш хитайниң бир милйон уйғурниң тутқун қилинғанлиқи «сахта хәвәр» дегән сөзлирини рәт қилип, австралийәниң хитайни лагерлардики бир милйон мусулман уйғурни қоюп беришкә давамлиқ чақиридиғанлиқини билдүргән. Хитайниң австралийәдә турушлуқ баш әлчиси чең җиңйе 19‏-декабир күни ахбарат йиғини өткүзүп, хитайниң бир милйон уйғурни лагерларда тутуп туриватқанлиқини рәт қилған. У, буниң «пүтүнләй сахта хәвәр» икәнликини илгири сүрүп, «шинҗаңда йүз бериватқан ишларниң кишилик һоқуқ вә дин билән һечқандақ мунасивити йоқлиқи» ни тәкитлигән. У, хитайниң қилмишини «террорлуққа қарши туруш, униң алдини елиш һәркитини» дегәниди. Лекин, австралийә алаһидә ахбарат ширкити SBS ‏ ниң хәвәр қилишичә, мишилия кәш австралийә һөкүмитиниң бир милйон мусулман уйғурниң уйғур районидики лагерларда тутуп туруливатқанлиқиға ишинидиғанлиқини билдүргән. У: «биз бу һәқтики хәвәрләрниң ишәнчилик икәнликигә ишинимиз. Баш министир билән мән һәр иккимиз буни билимиз. Ташқи ишлар министиримиз австралийәниң әндишисини хитайниң биваситә, шундақла ашкарә ипадилиди» дегән. Униң қәйт қилишичә, «хитайниң кишилик һоқуқ мәҗбурийитигә уйғун һәрикәт қилиши, шундақла уйғурларни тутқун қилишқа хатимә бериш мәсилисидә австралийәниң мәйдани ениқ» икән.

Мишилия кәш хитайниң австралийәдики уйғурларни назарәт қилип, уларға тәһдит вә паракәндичилик селиватқанлиқи илгири сүрүлүватқан бир мәзгилдә хитай әлчисиниң сөзлиригә җаваб бәргән. Американиң австралийә турушлуқ баш әлчиси өткән һәптә хитайниң австралийәдики уйғурларни назарәт қиливатқанлиқи вә уларға паракәндичилик селиватқанлиқини билдүргәниди.

Пикирләр (0)
Share
Толуқ бәт