Һиндонезийәниң 162 йолучи билән учқан бир айропилани туюқсиз ғайиб болған

Мухбиримиз қутлан
2014-12-29
Елхәт
Пикир
Share
Принт

Һиндонезийәниң «асия һава йоли-8501» намлиқ бир йолучилар айропилани өткән шәнбә шу йәр вақти кәч саәт 23 йеримда туюқсиз ғайиб болған.

Мәлум болушичә, бу айропилан һиндонезийәниң сурабая шәһиридин сингапорға қарап учқан болуп, айропиланда җәмий 162 йолучи бар икән.

Һиндонезийә даирилири дәрһал һава вә судин издәш һәрикити елип барған болсиму, лекин һазирға қәдәр ғайиб болған айропиланниң қәйәргә чүшүп кәткәнликини җәзм қилалмиған.

Ройтерс агентлиқиниң бүгүн җакартадин бәргән хәвиригә қариғанда, һиндонезийә һөкүмәт тәрәпниң мәзкур айропиланни издәш вә қутқузуш гурупписиниң башлиқи бу һәқтә баянат берип, мәзкур айропиланниң «деңиз тегигә чүшүп кәткәнлики» дәк еһтималлиқни илгири сүргән.

Бу вәқә шәрқий җәнуби асияда бу йил 8-мартта малайшия һава йоллири айропиланиниң 239 нәпәр йолучи билән ғайиб болушидин кейинки йәнә бир сирлиқ айропилан һадисиси болуп қалған.

Пикирләр (0)
Share
Толуқ бәт