Бейҗиңда өткүзүлгән "аз-санлиқ милләтләр сәнәт кичилики" пүтүнләй сиясий тәшивиқат түси билән сәһнигә елип чиқилған

Мухбиримиз нуриман
2021-09-02
Share

Шинхуа агентлиқиниң 31-авғуст бәргән хәвиригә қариғанда, "6-нөвәтлик мәмликәтлик аз санлиқ милләтләр сәнәт кичилики" хитай пайтәхти бейҗиңда өткүзүлгән. Мәзкур кечиликкә хитай дөләт рәиси ши җинпиң вә хитай компартийәсиниң башқа юқири дәриҗилик әмәлдарлири қатнашқан. Мәзкур сәнәт кечиликиниң өткән һәптә хебей өлкисиниң чеңде шәһиридә ечилған "милләтләр хизмити йиғини" дин кейинла орунлаштурулуши, шундақла бу йиғинда хитай компартийәсиниң баш секритари ши җинпиңниң хитайдики милләтләр мәсилиси бойичә "йеңи көрсәтмә" беришидин кейин өткүзүлиши диққәт қозғимақта.

Хәвәрдә көрситилишичә, бу кечиликкә уйғур аптонум районидин уйғур, қазақ, таҗик қатарлиқ милләтләрниң бир қанчилиған сәнәт номурлири қатнаштурулған. Бу номурларниң һәммиси дегүдәк сиясий тәшвиқат түси интайин қоюқ тәшвиқат номурлири болуп, асаслиқи ши җинпиңға вә хитай компартийәсигә мәдһийә оқулған икән.

"тәңритағ" торниң хәвиригә қариғанда, уйғур аптонум районидин қатнаштурулған сәнәт номурлирида "милләтләр иттипақлиқи", "шинҗаңдики милләтләрниң хошал-хорам вә бәхтлик яшаватқанлиқи", шундақла аталмиш "җоңхуа мәдәнийити" гә болған тәлпүнүш тәшвиқ қилинған икән.

Хәвәрдә "шинҗаң нахша-уссул өмики" ниң өмәк башлиқи турғун иминниң сөзлиридин нәқил кәлтүрүлүп, "шинҗаң нахша-уссул өмики" ниң бу кечиликтин бир ай бурун бейҗиңға берип мәшиқ қилғанлиқи илгири сүрүлгән. Мәшқ җәрянида бейҗиңдики мәркизий милләтләр нахша-уссул өмики уларниң номурлирини қайта-қайта түзәткән икән.

Нөвәттә хитай даирилириниң уйғурларни өз ичигә алған хитайдики барлиқ аз санлиқ милләтләрниң миллий сәнитини җиддий рәвиштә сиясийлаштуруш вә хитайлаштурушқа уруниватқанлиқи, шундақла уларни аталмиш "җуңхуа мәдәнийити" гәвдисәгә юғуривертишни пиланлаватқанлиқи мәлум. Һалбуки, уйғур миллий сәнити саһәсидики көп қирлиқ сәнәткарлардин қеюм муһәммәд, мода еқим нахша чолпини аблаҗан авут қатарлиқ қанчилиған сәрхиларниң тутқунда икәнлики радийомиз тәрипидин дәллиләнгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт