Baghrash kölidiki 20 ming mo qumushluqqa ot kétip qumushlar köyüp ketti


2014-02-20
Share


Tengritagh toridin bérilgen xewerdin qarighanda, baghrash kölidiki 20 ming mo qumushluqqa ot ketken.

Weqe gerche 17 - féwral küni yüz bergen bolsimu, tengritagh tori xewerni bügün élan qilghan. Xewerde éytilishiche, 17 - féwral sa'et 10:00 etrapida téxi orulmighan qumushluqqa keng da'iride ot ketken. Köl rayonidiki qomushluq omumiy kölimi texminen 600 ming mo bolup, bu qétimqi ot apitide texminen 20 ming mo qomushluq köyüp ketken. Xewerde, bu qétimliq ot apitide ölüsh - yarilinish ehwali kep chiqmighanliqini, ot kétish sewebining tekshürülüwatqanliqi bildürülgen.

Baghrash köli Uyghur éli boyiche we shundaqla xitay boyichimu eng chong ichki quruqluq tatliq su köli bolup, kölimi 1200 nechche kiwadrat kilométir kélidu. Emma baghrash kölidiki ékologiyilik muhitning éghir derijide bulghinishi közetküchilerni endishige salmaqta. Baghrash köli we etraptiki sazliqlar kem uchraydighan aqqu, ghaz, ördek we her türlük yerlik béliqlarning makani bolup, xitay mezkur kölni sayahetchilerge échiwetken nechche on yildin buyan, bu kem uchraydighan qush we béliqlarning türi zor derijide azayghan, hetta beziliri yoqilip kétish girdabigha bérip qalghan. Uning üstige baghrash köli etrapida heddidin ziyade köp qurulush türliri yolgha qoyulghanliqtin, köl süyi 10 yil awwalqisigha qarighanda 50 pirsent töwenlep ketken idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet