Балучистанда гөрүгә елинған икки хитай оқутқучиниң өлтүрүлгәнлики җакарланди

Мухбиримиз ирадә
2017.06.09
Share on WhatsApp
Share on WhatsApp

Ройтерс агентлиқиниң хәвәр қилишичә, пәйшәнбә күни ислам дөлити тәшкилати пакистанниң балучистан районида гөрүгә елинған икки нәпәр хитай оқутқучиниң өлтүрүлгәнликини җакарлиған. Бүгүн хитай ташқи ишлар министирлиқи баянатчиси хуа чүнйиң мухбирларға бәргән баянатида, пакистан тәрәп тәминлигән учурларға қариғанда бу иккисиниң һәқиқәтән өлтүрүлгән болуши мумкинликини, өзлириниң давамлиқ издиниватқанлиқини ейтқан.

Юқиридики бу хитай оқутқучилар дәл хитай һөкүмити 46 милярд доллар мәбләғ салған хитай-пакистан иқтисадий каридориниң түгүни балучистанниң кватта шәһиридики бир тил мәктипидә дәрс беридиған әр-аяллар болуп, улар 24-май күни базарға чиққанда 3 нәпәр намәлум қораллиқ шәхсләр тәрипидин гөрүгә елинған икән.

Хитай дөләт рәиси ши җинпиң пакистанға зор мәбләғ селип, “бир бәлвағ, бир йол истратегийиси” ни әмәлгә ашуридиғанлиқини илгири сүргәндә нурғун көзәткүчиләр пакистандики бихәтәрлик мәсилисиниң буниңға зор тосалғу болидиғанлиқини пәрәз қилишқан иди.

Шуңа бу вәқәниң хитай зор мәбләғ салған балучистан районида йүз бериши алаһидә диққәт қозғиған.

Бирақ, хитай баянатчи хуа чүнйиң мухбирларға “мәнчә, бу вәқәниң райондики қурулуш пиланлириниң бихәтәрликигә бир тәсири йоқ. Униң астанада ечилидиған бир бәлвағ, бир йол йиғини биләнмә бир алақиси йоқ” дегән.

Бирақ, “һиндистан вақти гезити” хитай һөкүмитиниң бу вәқәни бәк чоң давраң қилишни халимиғанлиқини, чүнки бу вәқәниң ениқла хитай-пакистан иқтисадий каридори қурулушидики хәвпләрни көрситип беридиғанлиқини баян қилған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт