Фирансийә парламенти балуҗистанға бир өмәк әвәтип, хитайниң қурулуш пиланлирини тәкшүргән

Мухбиримиз шөһрәт һошур
2018.02.07
Share on WhatsApp
Share on WhatsApp

Мәлум болушичә, пакистандики балучи миллитидин болған профессор наилә қудри балоч ханим фирансийә парламент әзаси паскал аллизардқа хәт йезип, хитайниң пакистан билән бирлишип балуҗистанда елип бериватқан қурулуш пиланлириға қарита өзиниң гуман вә әндишилирини баян қилған.

У мәктупида хитайниң гувадар портида елип бериватқан қурулушлириниң балуҗистанға хитай вә пәнҗап көчмәнләрни йөткәш вә районниң нопус қурулмисини өзгәртиш икәнликини нуқтилиқ һалда оттуриға қойған.

Һиндистан ахбаратиниң бу һәқтики бир хәвиридә баян қилинишичә, мәктупқа алаһидә етибар билән қариған фирансийә парламенти йеқинда балуҗистанға бир тәкшүрүш өмики әвәткән. Мәзкур өмәк хитайниң гувадар портидики қурулушиниң тәсир даирә игиләшни яки район билән районни туташтуруп содини илгири сүрүшни мәқсәт қилидиғанлиқи үстидә тәкшүрүш елип барған. Хәвәрдә дейилишичә, мәзкур өмәк бу һәқтики доклатини бу йил 4-айда фирансийә парламентиға тапшуридикән.

“хитай-пакистан иқтисадий каридори” пилани қәғәз йүзидә көрситилишичә, қәшқәр билән гувадар порти арисида ташйол, төмүр йол вә туруба йоллирини бир-биригә туташтуридикән. Әмма уйғур вә балуҗистан паалийәтчилири б д т дики паалийәтлири давамида хитай билән пакистан арисидики бу һәмкарлиқиниң мәзкур районлардики ишғалийәт һакимийитини мустәһкәмләш үчүн икәнликини илгири сүрүп кәлмәктә. Мәлум болушичә, бир түркүм балучи паалийәтчилири өткән һәптә лондонда икки күнлүк намайиш өткүзүп, балуҗистан туприқини хитайға сатқан бир йәр-мүлүк ширкитигә наразилиқини билдүргән.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.