Firansiye parlaménti balujistan'gha bir ömek ewetip, xitayning qurulush pilanlirini tekshürgen

Muxbirimiz shöhret hoshur
2018.02.07
Share on WhatsApp
Share on WhatsApp

Melum bolushiche, pakistandiki baluchi millitidin bolghan proféssor na'ile qudri baloch xanim firansiye parlamént ezasi paskal allizardqa xet yézip, xitayning pakistan bilen birliship balujistanda élip bériwatqan qurulush pilanlirigha qarita özining guman we endishilirini bayan qilghan.

U mektupida xitayning guwadar portida élip bériwatqan qurulushlirining balujistan'gha xitay we penjap köchmenlerni yötkesh we rayonning nopus qurulmisini özgertish ikenlikini nuqtiliq halda otturigha qoyghan.

Hindistan axbaratining bu heqtiki bir xewiride bayan qilinishiche, mektupqa alahide étibar bilen qarighan firansiye parlaménti yéqinda balujistan'gha bir tekshürüsh ömiki ewetken. Mezkur ömek xitayning guwadar portidiki qurulushining tesir da'ire igileshni yaki rayon bilen rayonni tutashturup sodini ilgiri sürüshni meqset qilidighanliqi üstide tekshürüsh élip barghan. Xewerde déyilishiche, mezkur ömek bu heqtiki doklatini bu yil 4-ayda firansiye parlaméntigha tapshuridiken.

“Xitay-pakistan iqtisadiy karidori” pilani qeghez yüzide körsitilishiche, qeshqer bilen guwadar porti arisida tashyol, tömür yol we turuba yollirini bir-birige tutashturidiken. Emma Uyghur we balujistan pa'aliyetchiliri b d t diki pa'aliyetliri dawamida xitay bilen pakistan arisidiki bu hemkarliqining mezkur rayonlardiki ishghaliyet hakimiyitini mustehkemlesh üchün ikenlikini ilgiri sürüp kelmekte. Melum bolushiche, bir türküm baluchi pa'aliyetchiliri ötken hepte londonda ikki künlük namayish ötküzüp, balujistan tupriqini xitaygha satqan bir yer-mülük shirkitige naraziliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.