Xitay hökümitining baluchi terepdarliri bilen yeng sodisi qiliwatqanliqi melum bolmaqta

Muxbirimiz eziz
2018.02.20
Share on WhatsApp
Share on WhatsApp

Qeshqerdin pakistanning gwadar portighiche bolghan üch ming kilométir uzunluqtiki “Xitay-pakistan iqtisadi karidori” gha xitay hökümiti 60 milyard amérika dolliri meblegh salghan bolup, yéqinda mezkur qurulushning bixeterliki üchün xitay hökümitining baluchi terepdarliri bilen astirtin sözlishiwatqanliqi melum boldi.

“Hindistan waqti” gézitining 20-féwraldiki xewiride éytilishiche, “Xitay-pakistan iqtisadi qurulushi” ni pakistanning baluchistan ölkisidiki öktichiler izchil “Milliy menpe'etimizge ziyan saldi” dep eyiblep kelmekte iken. Halbuki mezkur qurulushning asasiy mezmuni bolghan tashyol, tömüryol we kabél qurulushining köp qismi baluchistan tewesidin ötidiken. Bu qurulushning bundin kéyin baluchistan qoralliqlirining hujumigha uchrimasliqi üchün yéqinda xitay hökümiti baluchi terepdarliri bilen mexpiy söhbetlerni orunlashturmaqta iken.

Pakistanning “Sabax” gézitining bügünki xewiride éytilishiche, pakistan terep bu söhbetning ongushluq bolushini bekmu arzu qilidiken, emma pakistan terep hazirche söhbetning tepsiliy ehwalidin xewersiz iken. Ular bu heqte söz qilip, “Eger baluchistan tinchlansa, bu her ikki terepke menpe'etlik bolatti, yene kélip xitay bu yerde pakistan'gha yardem qiliwatidu” dégen.

Melum bolushiche, pakistandiki xitay elchixanisi yéqinda b b s agéntliqi bilen bolghan söhbet ziyaritide “Baluchistan qoralliqliri bundin kéyin bizge tehdit bolmaydu” dégen. Hindistan metbu'atliri bu halni Uyghur aptonom rayoni re'isi shöhret zakirning yéqinda “Chégra liniyesidiki barliq qanunsiz heriketlerni qattiq basturush lazim” dégen sözliri bilen baghlap chüshinishke bolidighanliqini ilgiri süridu.

Baluchistan tewesidiki moysipitlar baluchilarning meqsetliri heqqidiki so'allargha jawab bérip, “Eger yashlargha yéterlik iqtisadiy menpe'et yetse ular qolliridiki qorallarni tashlaydu. Chünki ular bundaq turmushtin jaq toyghan” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.