Balujistan azadliq armiyesi bayanat élan qilip, xitayni qattiq agahlandurdi

Muxbirimiz erkin
2019.05.22

Pakistanning balujistan ölkisidiki yerlik balujilarning qoralliq teshkilati‏-balujistan azadliq armiyesi bayanat élan qilip, eger xitay balujistanda qeshqer-gwadar iqtisadiy karidori qurulushini dawamliq élip barsa, uning échinishliq aqiwetke uchraydighanliqini agahlandurghan.

Bayanatta, balujistan azadliq armiyesining “Mejid brigadisi” namliq alahide qisim teshkil qilghanliqi, yéqinda gwardardiki “Merwayit” méhmanxanisigha qaritilghan hujumni bu qisimning élip barghanliqini bildürgen.

11‏-May küni yüz bergen bu hujumda gwadar port qurulushigha qatnishiwatqan xitaylar nishan qilin'ghan bolup, hujumda az dégende 8 adem ölgenidi. “Wémi'o” namliq torda élan qilin'ghan bayanatta mundaq déyilgen: “Xitay balujistan'gha ruxsetsiz kélip, bizning düshminimizni qollidi. Pakistan armiyesining yézilirimizni weyran qilishigha yardemleshti. Lékin emdi bizning waqtimiz keldi. . . . . . . . . Balujistan azadliq armiyesi xitay-pakistan iqtisadiy karidorining balujilar zéminida échinishliq meghlup bolghanliqini körsitidu. Balujistan, séning kéngeymichi herikitingning göri bolup qalidu. . . . . . . . . Mejid brigadisining alahide qismi qurulup, xitay emeldarlirigha we uning eslihelirige nishanliq hujum qilidu”.

Balujistan, xitayning qeshqer-gwadar iqtisadiy karidorining déngizgha chiqidighan eng istratégiyelik tügünidur. Xitay hökümiti Uyghur élining qeshqer shehiri bilen balujistanning gwadar portini tutashturidighan bu qurulushqa 50 milyard dollar meblegh ajratqan. Lékin, bu qurulush yerlik Uyghurlarning, shuningdek yene balujistan xelqining qarshiliqigha uchrighan. Balujistan teshkilatliri bu qurulushta baluj xelqining menpe'eti qurban qilin'ghanliqi, uning bayliqi talan-taraj qilinip, muhiti weyranchiliqqa uchrawatqanliqini ilgiri sürüp, hujum nishanini xitayning bu rayondiki ishchi we inzhénérlirigha qaratqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.