Чегра сиртида хитай пуқралириниң банка картидин 1000 йүәндин артуқ пул хәҗләнсә мәлум қилинидикән

Мухбиримиз қутлан
2017-09-04
Share

Хитай һөкүмити йеқиндин буян бир қатар қаттиқ тәдбирләрни қоллинип, хитай пуқралириниң чәтәлгә пул йөткиши яки хитайда беҗиргән банка картидики пуллирини чегра сиртида хәҗлишини контрол қилишқа башлиған.

Хәлқ ториниң бу һәқтики мәхсус хәвиригә қариғанда, бу йил 9-айниң 1-күнидин етибарән хитай пуқралири чегра сиртида банка картини сүркәп 1000 йүәндин артуқ пул хәҗлисә яки банка картидин 1000 йүәндин артуқ пул чиқарса дәрһал мәлум қилинидикән.

Хәвәрдә мәзкур тәдбир “банка картисиниң чегра сиртидики сода статистикисини мукәммәлләштүрүш һәмдә чегра сиртидики сода тәртипини қоғдаш үчүн чиқирилди,” дейилгән.

Хәвәрдә мундақ дейилгән: “9-айниң 1-күнидин башлап, дөләт ичидики һәрқандақ банка яки пул муамилә аппаратлиридин беҗирилгән банка картилиридин чегра сиртида 1000 йүәндин юқири пул хәҗләнсә аптоматик һалда ташқи перевот идарисигә мәлум қилиниду.”

Хәвәрдә йәнә, банка картисини ташқи перевот башқуруш системисиға улаш, униң чегра сиртидики истемал учурини мәлум қилиш ишиниң 1-сентәбирдин етибарән хитайдики банкиларниң банка картиси тарқитип, чегра сиртида сода кәспи ечиштики муһим шәртигә айлинидиғанлиқи уқтурулған.

Көзәткүчиләр, нөвәттә хитай иқтисадиниң тәдриҗий чөкиватқанлиқи илгири сүрүлмәктә, мушундақ бир мәзгилдә хитай барлиқ чарә-тәдбирләрни қоллинип иқтисадниң чегра сиртиға еқишини контрол қилишқа башлиди, дегәнләрни илгири сүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт