Банкоктики партлашқа “җавабкар” дәп қаралған икки уйғурни сотлаш башланған

Мухбиримиз җәвлан
2022.11.23
Share on WhatsApp
Share on WhatsApp

“бенар хәвәрлири” тори банкоктики партлашқа “җавабкар” дәп қаралған икки уйғурниң 22-ноябир күни сотланғанлиқини хәвәр қилған. 7 Йил бурун банкоктики партлаш вәқәсигә мәсул дәп гуман қилинип тутулған икки уйғур гумандар, бу сотта өзлиригә пайдисиз гуваһлиқ сөзлирини аңлиған.

Хәвәрдә билдүрүлүшичә, адәм қаратағ (яки билал муһәммәд) билән йүсүп мирәли исимлик бу икки уйғурни сотлаш тәрҗиман мәсилиси вә ковид юқуми сәвәбидин кечикип кәткән.

22-Ноябир күни тайландниң бомба бир тәрәп қилиш мутәхәссислири вә икки сақчи сотта гуваһлиқ берип, бу икки уйғурниң 2015-йил 8-айниң 17-күни тайландтики бир бутханиға бомба қоюп партлатқанлиқини, 20 адәмниң өлүп, 100 адәмниң яриланғанғанлиқини ейтқан. Әгәр у иккәйләнгә бомба сақлаш вә қәстләп адәм өлтүрүш җинайити бекитилип қалса, улар өлүм җазасиға дуч келидикән.

Соттики ақлиғучи адвокат чучарт канпай (Chuchart Kanpai) сотта оттуриға қоюлған испатларниң гуманлиқ икәнликини билдүргән болуп, нәқ мәйданға башта барғини сақчилар әмәс, әскәрләр икән. Сақчилар йетип келиштин бурун нәқ мәйданға шүбһилик нәрсиләр ташлап қоюлған икән.

Хәвәрдә көрситилишичә, тайландики бир әмәлдар бу партлашниң хитайға қайтуруп берилгән 100 уйғур сәвәбидин тайландин өч елиш үчүн пиланланғанлиқини, әгәр бу икки уйғурға өлүм җазаси берилгән тәқдирдә хитайда иҗра қилиниши мумкинликини билдүргән.

Нөвәттә бу сотниң тәрәққияти таратқуларниң диққәт нәзәридә болмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.