Bankoktiki partlashqa “Jawabkar” dep qaralghan ikki Uyghurni sotlash bashlan'ghan

Muxbirimiz jewlan
2022.11.23
Share on WhatsApp
Share on WhatsApp

“Bénar xewerliri” tori bankoktiki partlashqa “Jawabkar” dep qaralghan ikki Uyghurning 22-noyabir küni sotlan'ghanliqini xewer qilghan. 7 Yil burun bankoktiki partlash weqesige mes'ul dep guman qilinip tutulghan ikki Uyghur gumandar, bu sotta özlirige paydisiz guwahliq sözlirini anglighan.

Xewerde bildürülüshiche, adem qaratagh (yaki bilal muhemmed) bilen yüsüp mir'eli isimlik bu ikki Uyghurni sotlash terjiman mesilisi we kowid yuqumi sewebidin kéchikip ketken.

22-Noyabir küni taylandning bomba bir terep qilish mutexessisliri we ikki saqchi sotta guwahliq bérip, bu ikki Uyghurning 2015-yil 8-ayning 17-küni taylandtiki bir butxanigha bomba qoyup partlatqanliqini, 20 ademning ölüp, 100 ademning yarilan'ghan'ghanliqini éytqan. Eger u ikkeylen'ge bomba saqlash we qestlep adem öltürüsh jinayiti békitilip qalsa, ular ölüm jazasigha duch kélidiken.

Sottiki aqlighuchi adwokat chuchart kanpay (Chuchart Kanpai) sotta otturigha qoyulghan ispatlarning gumanliq ikenlikini bildürgen bolup, neq meydan'gha bashta barghini saqchilar emes, eskerler iken. Saqchilar yétip kélishtin burun neq meydan'gha shübhilik nersiler tashlap qoyulghan iken.

Xewerde körsitilishiche, taylandiki bir emeldar bu partlashning xitaygha qayturup bérilgen 100 Uyghur sewebidin taylandin öch élish üchün pilanlan'ghanliqini, eger bu ikki Uyghurgha ölüm jazasi bérilgen teqdirde xitayda ijra qilinishi mumkinlikini bildürgen.

Nöwette bu sotning tereqqiyati taratqularning diqqet nezeride bolmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.