Хитайниң қағилиқ наһийәсидиму зор көләмлик кала бақмичилиқ фермиси қурмақчи болуши диққәт қозғиди

Мухбиримиз ирадә
2020-10-08
Share

Хитай хәвәрләр ториниң хәвиригә қариғанда, хитайниң хуалиң сода-санаәт гуруһи қағилиқ наһийәсидә зор көләмлик кала чарвичилиқ мәйдани қурушни башлиған. Мәлум болушичә бу қурулушқа 5 милярд йүән мәбләғ селинған болуп, у 100 миң туяқ кала беқиш көлимигә игә икән.

Бу кала бақмичилиқ мәйдани қағилиқ наһийәсиниң шәрқий шималидин 20 километир йирақлиқтики җаңгаләски йезисиға қурулидиған болуп, 8-өктәбир ул селиш мурасими өткүзүлгән.

Диққәт қозғайдиғини, хитайдики таратқулар техи бир қанчә күн алдида йәнә шу хуалиң сода-санаәт ширкитиниң ақсуниң бай наһийәсигә 4 милярд 500 милйон йүән мәбләғ селип, чоң көләмлик чарвичилиқ фермиси қурулуши башлиғанлиқини хәвәр қилған, буни "3-нөвәтлик ‹шинҗаң хизмити сөһбәт йиғини' үчүн бир тәнтәнә" дәп көрсәткән иди.

Гәрчә хәвәрдә хитайдики даңлиқ кархана гуруһи болған хуалиңниң қағилиқ наһийәсигә кириши "наһийәгә тәрәққият вә хәлққә мәнпәәт елип келиду", "бу тарихий әһмийәткә игә" дәп қаттиқ мәдһийәләнгән болсиму, бирақ чәтәлләрдики уйғур көзәткүчиләр бунчә зор кала бақмичилиқ фермилириниң мәқсити вә кәлтүридиған ақивитидин әндишиләнмәктә.

Чүнки хәвәрдә қағилиқтики кала бақмичилиқ мәйдани ишқа киришсә, униң 10 миңдин артуқ адәмни, болупму намрат аилиләрни хизмәт тепишқа йетәкләйдиғанлиқи илгири сүрүлгән болуп, көзәткүчиләр буниң йезилардики аһалиләрниң мәҗбурий әмгәкчиләргә айландурулушидин дерәк беридиғанлиқини мөлчәрлимәктә.

Хитай таратқулири бай наһийәсидә қурулған базидиму 10 миң адәмниң ишқа орунлаштурулиду, дегән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт