FBI: «Хитайниң америкадики баш әлчиси америка алимлириниң хитайда ишқа қобул қилинишиға мәхпий ярдәм бәргән»

Мухбиримиз әркин
2020-06-26
Елхәт
Пикир
Share
Принт

Хитайниң вашиңтонда турушлуқ баш әлчиси билән ню-йорктики дипломати америка алимлириниң хитайдики тәтқиқат орунлириға ишқа қобул қилинишига ярдәм бәргән. Бу учур FBI ниң өткән йили америкадики бир сот мәһкимисигә йоллиған доклатида тәкитләнгән болуп, бу йил 4-айда ашкариланған.

«Вашингтон көзәткүчиси» гезитиниң билдүрүшичә, FBI ниң доклати коннеттикут штатида турушлуқ америка тәвәликидики бир хитай тәтқиқатчиниң «билип туруп вә халап туруп хитайниң һөкүмәт башқурушидики орунларға вакалитән американиң юқири дәриҗилик ғол һүҗәрйрә тәтқиқатчилирини хитайниң һөкүмәт башқурушидики унивәрситет, тәтқиқат орунлириға қобул қилиш һәрикити» гә алақидар делоға мунасивәтлик икән

Хәвәрдә бу вәқә «хитайниң җасуслуқ тактикилириға чоңқур нәзәр селиш имканийити беридиғанлиқи тәкитләнгән. FBI Елан қилған доклатида хитайниң вашиңтонда турушлуқ баш әлчиси вә униң ню-йорктики дипломатиниң исми тилға елинмиған. Лекин «вашингтон көзәткүчиси гезитиниң хәвиридә учур мәнбәлириниң FBI ға хитай баш әлчиси вә униң ню-йорктики дипломатиниң америкаға адәм қобул қилиш үчүн кәлгән башқа хитай әмәлдарлири билән бостонда өткүзүлгән бир илмий йиғинға қатнашқанлиқини билдүргәнлики тәкитләнгән.

Хәвәрдә илгири сүрүлүшичә, FBI буниңға даир охшимиған икки учур мәнбәсидин еришкән учурларниң «көп қисми» FBI вә башқа қанун иҗра қилғучиларниң тәкшүрүши арқилиқ испатланғанлиқини билдүргән. Хәвәрдә юқириқи хитай тәтқиқатчиниң 2009-йили америка тәвәликигә өткәнлики, америкадики бир унивәрситетта ғол һөҗәйрә тәтқиқати билән шоғуллинидиғанлиқи, һазир «җәнубий хитай теббий университети» да ишләйдиғанлиқи илгири сүрүлгән болсиму, лекин униң исмини ашкарилимиған.

Пикирләр (0)
Share
Толуқ бәт